(vovworld) - ຕອນຄໍ່າວັນທີ 10/11, ທ່ານປະທານາທິບໍດີສ.ອີຣານ Mahmoud Ahmadinejad ເດີນທາງອອກຈາກຮ່າໂນ້ຍ ສິ້ນສຸດການຢ້ຽມຢາມຫວຽດນາມ ເປັນທາງການຢ່າງຈົບງາມ. ໃນໄລຍະຢູ່ຢ້ຽມຢາມຫວຽດນາມ ແຕ່ວັນທີ 9 – 10/11, ທ່ານປະທານາທິບໍດີສ.ອີຣານ ໄດ້ມີການເຈລະຈາກັບທ່ານປະທານປະເທດຫວຽດນາມ Truong Tan Sang, ເຂົ້າຢ້ຽມຄຳນັບ, ພົບປະເຈລະຈາກັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong, ທ່ານນາຍົກລັດຖະມົນຕີ Nguyen Tan Dung ແລະ ທ່ານປະທານສະພາແຫ່ງຊາດ Nguyen Sinh Hung. ທີ່ການພົບປະ, ບັນດາການນຳຫວຽດນາມ ລ້ວມແຕ່ຢືນຢັນວ່າ ໃນນະໂຍບາຍການຕ່າງປະເທດທີ່ຫຼາຍຮູບຫຼາຍແບບ ແລະ ຫຼາຍຝ່າຍຂອງຕົນ, ຍາມໃດຫວຽດນາມ ກໍຖືເປັນສຳຄັນການພັດທະນາການພົວພັນຮ່ວມມືມິດຕະພາບກັບບັນດາປະເທດເພື່ອນມິດທີ່ເປັນມູນເຊື້ອ, ໃນນັ້ນມີອີຣານ. ບັນດາການນຳຫວຽດນາມ ແລະ ທ່ານປະທານາທິບໍດີອີຣານ ຢືນຢັນຄວາມຕັດສິນໃຈຈະເພີ່ມທະວີ ແລະ ພັດທະນາການພົວພັນລະຫວ່າງຫວຽດນາມ - ອີຣານ ໃນໄລຍະຈະມາເຖິງໃຫ້ຫຼາຍກວ່າອີກ, ພິເສດແມ່ນໃນບັນດາຂົງເຂດການຄ້າ, ກະສິກຳ, ສິນໃນນ້ຳ, ວັດທະນະທຳ, ກິລາ ແລະ ທ່ອງທ່ຽວ. ສອງຝ່າຍກໍແລກປ່ຽນຄຳເຫັນກ່ຽວກັບບັນດາບັນຫາໃນພາກພື້ນ ແລະ ສາກົນເຊິ່ງຕ່າງຝ່າຍຕ່າງມີຄວາມສົນໃຈ.