ທ່ານປະທານາທິບໍດີ Paraguay, Horacio Cartes
photo:internet
|
(vovworld)-ເມື່ອຕ້ອນຮັບທ່ານ ເອກອັກຄະລັດຖະທູດຫວຽດນາມ ຫງວຽນດີງທາວ ພາຍຫລັງຍື່ນສານຕາຕັ້ງ, ທ່ານປະທານາທິບໍດີ Paraguay, Horacio Cartes ໃນວັນທີ 11/6 ໄດ້ຍ້ອງຍໍສັນລະເສີນການພັດທະນາຂອງຫວຽດນາມ ໃນຊຸມປີຜ່ານມາ, ພ້ອມທັງຢືນຢັນ: ສອງປະເທດມີຄວາມສາມາດບົ່ມຊ້ອນຮ່ວມມືໃນຫລາຍຂົງເຂດ, ພິເສດແມ່ນດ້ານການຄ້າ. ການນຳ Paraguay ສະເຫນີສອງຝ່າຍ ເພີ່ມທະວີການສົມທົບກັນເພື່ອບັນລຸໄດ້ບັນດາໝາກຜົນຮ່ວມມືຢ່າງລະອຽດ ເພື່ອສະເຫລີມສະຫລອງ 20 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດໃນປີຈະມາເຖິງ(30/5/1995-30/5/2015). ສ່ວນທ່ານເອກອັກຄະລັດຖະທູດ ຫງວຽນດີງທາວ ຢືນຢັນ: ຫວຽດນາມ ຕັດສິນໃຈ ຊຸກຍູ້ການພົວພັນກັບ Paraguay ໃນຫລາຍຂົງເຂດ, ພິເສດແມ່ນແລກປ່ຽນດ້ານການຄ້າ ແລະ ວັດທະນະທຳ, ບົນພື້ນຖານການພົວພັນດ້ານການເມືອງອັນດີງາມລະຫວ່າງສອງປະເທດ. ທ່ານເອກອັກຄະລັດຖະທູດ ຫງວຽນດີງທາວ ຊີ້ແຈ້ງວ່າ: ຈະສົມທົບກັນຢ່າງແຫນ້ນແຟ້ນກັບ Paraguay ໃນການກວດກາເພື່ອປະຕິບັດບັນດາຂໍ້ຕົກລົງ, ສັນຍາທີ່ໄດ້ລົງນາມລະຫວ່າງສອງປະເທດເປັນຢ່າງດີ ເຮັດໃຫ້ການພົວພັນມິດຕະພາບ ແລະ ການຮ່ວມມືສອງຝ່າຍເລິກເຊິ່ງກວ່າອີກ.