ໂດຍປະຕິບັດຄຳສັ່ງຊີ້ນຳຂອງນາຍົກລັດຖະມົນຕີ, ກະຊວງການຕ່າງປະເທດໄດ້ເປັນເຈົ້າການ ແລະ ຮີບເຮັ່ງຜັນຂະຫຍາຍບັນດາມາດຕະການປົກປ້ອງພົນລະເມືອງຫວຽດນາມ ຢູ່ສ.ເກົາຫຼີ. ຕາມສະຖານທູດຫວຽດນາມ ປະຈຳສ.ເກົາຫຼີ ແລ້ວ, ປະຈຸບັນມີພົນລະເມືອງຫວຽດນາມ ກວ່າ 200.000 ຄົນພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ສ.ເກົາຫຼີ. ໄລ່ມາຮອດປະຈຸບັນ, ອາການສຸຂະພາບຂອງປະຊາຄົມຊາວຫວຽດນາມ ອາໄສຢູ່ສ.ເກົາຫຼີ ຍັງເປັນປົກກະຕິ ແລະ ຍັງບໍ່ທັນມີກໍລະນີໃດຖືກຕິດເຊື້ອພະຍາດ ຫຼື ສົງໄສຕິດເຊື້ອຈຸລະໂລກ SARS-Cov-2 ເທື່ອ.

          ສະຖານທູດຫວຽດນາມ ປະຈຳສ.ເກົາຫຼີ ໄດ້ເປີດໂທລະສັບສາຍດ່ວນປົກປ້ອງພົນລະເມືອງໃນຕະຫຼອດ 24/24 ຊົ່ວໂມງ ເພື່ອດຳເນີນບັນດາມາດຕະການໜູນຊ່ວຍ ແລະ ປົກປ້ອງພົນລະເມືອງໃນກໍລະນີທີ່ຈຳເປັນ. ທ່ານ ຫງວຽນຢາຄຽມ, ຮອງຫົວໜ້າກົມຄຸ້ມຄອງແຮງງານຕ່າງປະເທດ, ກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ, ໃຫ້ຮູ້ວ່າ.

          “ພວກຂ້າພະເຈົ້າໄດ້ສະເໜີໃຫ້ຄະນະຄຸ້ມຄອງແຮງງານຫວຽດນາມ ປະຈຳສ.ເກົາຫຼີ ສ້າງຈຸດຕິດຕໍ່ປະສານງານຢູ່ 2 ທ້ອງຖິ່ນແມ່ນນະຄອນ Daegu ແລະ ແຂວງ Gyeongbuk. ຜ່ານນັ້ນ, ອັບເດດບັນດາຂໍ້ມູນຂ່າວ, ການຜັນແປກ່ຽວກັບສະພາບແຮງງານ ກໍ່ຄືສະໜອງຂໍ້ມູນຂ່າວທີ່ຈຳເປັນໃຫ້ແກ່ແຮງງານຢ່າງທັນການ”.