(ພາບປະກອບ)
(vovworld) - ກະຊວງການຄ້າອາເມລິກາ ຫາກໍຕົກລົງຈັດວາງອັດຕາພາສີຕ້ານການຂາຍບຸບລາຄາສຳລັັບບັນດາຜະລິດຕະພັນປາຈາ, ປາບາຊາ Filet ທີ່ນຳເຂົ້າຈາກຫວຽດນາມ ສູງທົບ 10 ເທົ່າ, ຂໍ້ຕົກງລົງນີ້ໄດ້ກໍຜົນສະທ້ອນທີ່ບໍ່ໜ້ອຍເຖິງບັນດາວິສາຫະກິດຂອງຫວຽດນາມ. ຕອບຄຳພາດຕໍ່ນັກຂ່າວວິທະຍຸກະຈາຍສຽງຫວຽດນາມປະຈຳອາເມລິກາ, ທ່ານ ດາວເຈີນເຢີນ, ຜູ້ຕາງໜ້າອົງການການຄ້າຫວຽດນາມ ປະຈຳອາເມລິກາ ໃຫ້ຮູ້ວ່າ.
“ດ້ວຍຂໍ້ຕົງລົງສຸດທ້າຍຂອງການກວດກາບໍລິການຄັ້ງທີ 8 ສຳລັບປາບາຊາ, ປາຈາ ຂອງຫວຽດນາມ ທີ່ສົ່ງໄປຂາຍຢູ່ຕະຫຼາດອາເມລິກາ, ກະຊວງການຄ້າອາເມລິກາ ໄດ້ຈັດວາງອັດຕາພາສີສູງໃຫ້ແກ່ບັນດາວິສາຫະກິດຫວຽດນາມ.”
ອະທິບາຍກ່ຽວກັບເລື່ອງຈັດວາງອັດຕາພາສີຕ້ານການຂາຍບຸບລາຄາເພີ່ມຂຶ້ນສູງໂດຍບັງເອີນນີ້, ທ່ານ ດາວເຈີນເຢີນ ໃຫ້ຮູ້ວ່າ.
“ຂ້າພະເຈົ້າຄິດວ່າ ນີ້ແມ່ນການກະທຳຂອງບັນດາກຸ່ມເພື່ອຜົນປະໂຫຍດສ່ວນຕົວຂອງອາເມລິກາ. ໂດຍລະອຽດແມ່ນ, ສະມາຄົມປາໜັງ ອາເມລິກາ ໄດ້ມີການຂົນຂວາຍຢ່າງແຮງເພື່ອໃຫ້ກະຊວງການຄ້າອາເມລິກາ ຊອກຫາທຸກວິທີເພື່ອປ່ຽນປະເທດນຳເຂົ້າເພີ່ມອັດຕາພາສີ ແນໃສ່ກີດຂວາງການນຳເຂົ້າປາຈາ ແລະ ປາປາຊາຂອງຫວຽດນາມ ເຂົ້າຕະຫຼາດອາເທລິກາ”.