ຝ່າຍ “ເສື້ອແດງ“ ຂອງໄທ ຮຽກຮ້ອງໃຫ້ພິຈາລະນາໂທດ ແລະ ປົດຕຳແໜ່ງບັນດາຜູ້ພິສາກສາ
Xuan Son ນັກຂ່າວ VOV ປະຈຳໄທ -
ນະຄອນບາງກອກ ປະເທດໄທ
(ພາບ:dulichanz.com)
( vovworld ) – ວັນທີ 7/6, ບັນດາບຸກຄົນຂຶ້ນກັບຝ່າຍ “ເສື້ອແດງ“ ສະໜັບສະໜູນລັດຖະບານ ໄດ້ເຕົ້າໂຮມກັນຢູ່ນອກຕຶກອາຄານສຳນັກງານສະພາແຫ່ງຊາດຢູ່ນະຄອນຫຼວງບາງກອກ ເພື່ອຮຽກຮ້ອງໃຫ້ດຳເນີນການພິຈາລະນາໂທດ ແລະ ປົດຕຳແໜ່ງບັນດາຜູ້ພິສາກສາຂອງສານລັດຖະທຳມະນູນປະເທດນີ້ ຊື່ງແມ່ນບັນດາສ່ວນບຸກຄົນທີ່ເຄີຍອອກຄຳສັ່ງຢຸດຕິການປຶກສາຫາລືກ່ຽວກັບການປັບປຸງລັດຖະທຳມະນູນ. ການກະທຳດັ່ງກ່າວຂອງຝ່າຍ “ເສື້ອແດງ“ ໄດ້ດຳເນີນໄປກ່ອນການດຳເນີນການປະຊຸມຮ່ວມລະຫວ່າງສະພາຜູ້ແທນລາຊະດອນ ແລະ ວຸດທິສະພາໄທ ພຽງ 1 ວັນ ໃນສະພາບການທີ່ຫາງສຽງຍັງມີບັນດາຄວາມໂຕ້ຖຽງກັນກ່ຽວກັບສິດອຳນາດຂອງສານລັດຖະທຳມະນູນ ພາຍຫຼັງທີ່ສານນີ້ ໄດ້ຕົກລົງພິຈາລະນາລັກສະນະຖືກຕ້ອງຕາມກົດໝາຍຂອງຮ່າງລັດຖະທຳມະນູນສະບັບປັບປຸງ ພ້ອມທັງອອກຄຳສັ່ງຢຸດຕິການພິຈາລະນາຮ່າງລັດຖະທຳມະນູນສະບັບປັບປຸງ ຈົນເຖິງເວລາສານມີຄຳຕັດສິນໃໝ່. ປະຈຸບັນ, ຄວາມສະຫງົບປອດໄພໄດ້ຮັບການເພີ່ມທະວີຢູ່ສຳນັກງານສະພາແຫ່ງຊາດໄທ ເພື່ອແນໃສ່ຫລີກເວັ້ນການເກີດການປະທະກັນລະຫວ່າງຝ່າຍ “ເສື້ອແດງ“ ແລະ ຝ່າຍ “ເສື້ອເຫຼືອງ“ ຊື່ງພວມເຕົ້າໂຮມກັນເປັນຈຳນວນຫຼວງຫຼາຍຢູ່ສູນການຄ້າພະບໍລົມວົງສານຸວົງ ມໍ່ກັບສຳນັກງານສະພາແຫ່ງຊາດ. ຝ່າຍ “ເສື້ອແດງ“ ໃຫ້ຮູ້ວ່າ ໄດ້ເກັບກຳບັນຊີລາຍຊື່ຂອງເກືອບ 10.000 ຄົນທີ່ຮຽກຮ້ອງໃຫ້ການພິຈາລະນາໂທດບັນດາຜູ້ພິສາກສາຂອງສານລັດຖະທຳມະນູນປະເທດໄທ ແລະ ຄາດວ່າຈະມີບັນຊີລາຍຊື່ຕື່ມອີກ 12.000 ຄົນສະໜັບສະໜູນຝ່າຍດັ່ງກ່າວ.
Xuan Son ນັກຂ່າວ VOV ປະຈຳໄທ