ພາບປະກອບ:internet
|
(vovworld) - ວັນທີ 1/8, ຢູ່ແຂວງ An Giang, ສະຖາບັນນະໂຍບາຍ ແລະ ຍຸດທະສາດພັດທະນາກະສິກຳ, ຊົນນະບົດ ສັງກັດກະຊວງກະສິກຳ ແລະ ພັດທະນາຊົນນະບົດ ຫວຽດນາມ ສົມທົບກັບຄະນະຊີ້ນຳທາງທິດຕາເວັນຕົກພາກໃຕ້, ພະແນກກະສິກຳ ແລະ ພັດທະນາຊົນນະບົດ ແຂວງ An Giang ຈັດຕັ້ງກອງປະຊຸມສຳມະນາ:“ຍຸດທະສາດພັດທະນາກະສິກຳຊົນນະບົດ ຫວຽດນາມ ຮອດປີ 2020 ແລະ ວິໄສທັດຮອດປີ 2030. ກອງປະຊຸມສຳມະນາໄດ້ຕີລາຄາສະພາບຕົວຈິງຂອງຂະແຫນງກະສິກຳ, ຊົນນະບົດໃນໄລຍະ 10 ປີຜ່ານມາ. ໃນນັ້ນ, ຂົງເຂດຜະລິດກະສິກຳ - ປ່າໄມ້ - ການປະມົງໄດ້ມີການເຕີບໂຕຢ່າງວ່ອງໄວ, ໂຄງປະກອບກະສິກຳ ແລະ ເສດຖະກິດກະສິກຳມີການຫັນປ່ຽນຢ່າງຕັ້ງຫນ້າ ປະກອບສ່ວນຄ້ຳປະກັນດ້ານສະບຽງອາຫານແຫ່ງຊາດ. ຄຽງຄູ່ກັນນັ້ນ, ການສົ່ງອອກເພີ່ມຂຶ້ນຢ່າງວ່ອງໄວ, ມີທີ່ຕັ້ງໃນຕະຫລາດສາກົນ, ຊີວິດທາງດ້ານວັດຖຸ ແລະ ຈິດໃຈຂອງປະຊາຊົນຢູ່ເຂດຊົນນະບົດໄດ້ຮັບການປັບປຸງ. ໃນຈຸດໝາຍພັດທະນາກະສິກຳ, ຊົນນະບົດໄລຍະແຕ່ປີ 2011 - 2020 ມຸ່ງໄປເຖິງປີ 2030, ຫວຽດນາມ ຈະປະຕິບັດການສ້າງໂຄງປະກອບຂະແຫນງກະສິກຳຄືນໃຫມ່ ເພື່ອຟື້ນຟູການຈະເລີນເຕີບໂຕ, ເພີ່ມປະສິດທິພາບການຜະລິດ ແລະ ຄວາມສາມາດແກ້ງແຍ້ງກະສິກຳ; ເສີມຂະຫຍາຍປະຊາທິປະໄຕຢູ່ຂັ້ນຮາກຖານ, ລະດົມກຳລັງແຮງໃນທົ່ວສັງຄົມພັດທະນາຊົນນະບົດ; ເພີ່ມລາຍຮັບ ແລະ ຫລຸດຜ່ອນຄວາມທຸກຍາກ, ປົກປັກຮັກສາສິ່ງແວດລ້ອມ; ພັດທະນາກະສິກຳແລະ ຊົນນະບົດຕິດພັນກັບການຫັນປະເທດຊາດເປັນປະເທດອຸດສາຫະກຳ ແລະ ທັນສະໄຫມ.