ທ່ານຮອງລັດຖະມົນຕີກະຊວງແຜນການ ແລະ ການລົງທຶນ ເຈິ່ນຢຸຍດົງ ເປັນປະທານກອງປະຊຸມຖະແຫຼງຂ່າວ (ພາບ: VOV)

  ວັນທີ 14 ພະຈິກ, ກະຊວງແຜນການ ແລະ ການລົງທຶນຫວຽດນາມ ໄດ້ຈັດກອງປະຊຸມຖະແຫຼງຂ່າວ ກ່ຽວກັບກອງປະຊຸມຜັນຂະຫຍາຍໂຄງການດຳເນີນງານຂອງລັດຖະບານ ປະຕິບັດມະຕິເລກທີ 23 ສະບັບອອກວັນທີ 6 ຕຸລາປີ 2022 ຂອງກົມຫານເມືອງ ກ່ຽວກັບທິດທາງພັດທະນາເສດຖະກິດສັງຄົມ, ຮັບປະກັນການປ້ອງກັນຊາດ ປ້ອງກັນຄວາມສະຫງົບເຂດໄຕງວຽນ ຮອດປີ 2030, ວິໄວທັດຮອດປີ 2045 ແລະ ການສົ່ງເສີມການການລົງທຶນເຂດ.

   ທ່ານ ເຈິ່ນຢຸຍດົງ, ຮອງລັດຖະມົນຕີ ກະຊວງແຜນການ ແລະ ການລົງທຶນຫວຽດນາມ ໃຫ້ຮູ້ວ່າ, ດ້ວຍຫົວເລື່ອງ “ພັດທະນາສີຂຽວ-ກົມກ່ຽວ-ຍືນຍົງ”, ກອງປະຊຸມຖືກຈັດຂຶ້ນຢູ່ນະຄອນ ດ່າລາດ ແຂວງ ເລິມດົ່ງ, ໂດຍພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຟ້າມມິນຈິງ. ຄຽງຄູ່ກັນນັ້ນ, ງານວາງສະແດງພາບຖ່າຍສິລະປະ “ໄຕງວຽນ ສີຂຽວ-ກົມກ່ຽວ-ຍືນຍົງ” ກໍ່ຈະໄດ້ຈັດຂຶ້ນແຕ່ວັນທີ 19-20 ພະຈິກ ເພື່ອແນໃສ່ແນະນຳຄວາມງາມຂອງເຂດດິນ ແດນ ແລະ ຊາວ ໄຕງວຽນ.