(ພິທີປຸກລະດົມການເສັງ)

        ຫ້ອງການຊີ້ນຳການປະຢັດພະລັງງານ (ກະຊວງອຸດສາຫະກຳ ການຄ້າ ຫວຽດນາມ) ຫາກໍ່ຈັດພິທີປຸກລະດົມການເສັງທາງອອນລາຍ “ຊອກຮູ້ຄວາມຮູ້ກ່ຽວກັບການນຳໃຊ້ພະລັງງານປະຢັດ ແລະ ມີປະສິດທິຜົນ 2022” ຢູ່ມະຫາວິທະຍາໄລເສດຖະກິດ - ເຕັກນິກອຸດສາຫະກຳ, ຮ່າໂນ້ຍ. ການເສັງແມ່ນປະຖົມປັດໃຈເພື່ອຍູ້ແຮງໜ້າທີ່ໂຄສະນາ, ເຜີຍແຜ່ບັນດາຂໍ້ກຳນົດຂອງກົດໝາຍວ່າດ້ວຍພະລັງງານ ແລະ ປະຢັດພະລັງງານ, ມຸ່ງໄປເຖິງທຸກເປົ້າໝາຍ. ທີ່ເຫດການ, ທ່ານ ຈິ້ງກວກຫວູ, ຮອງຫົວໜ້າຫ້ອງການຊີ້ນຳການປະຢັດພະລັງງານ, ຮອງຫົວໜ້າກົມປະຢັດພະລັງງານ ແລະ ພັດທະນາແບບຍືນຍົງ, ກະຊວງອຸດສາຫະກຳ ການຄ້າ, ໃຫ້ຮູ້ວ່າ:

        “ຄາດວ່າ, ໃນ 5 ປີຈະມາເຖິງ, ຄວາມຕ້ອງການດ້ານພະລັງງານຍັງເຕີບໂຕຢູ່ລະດັບປະມານ 8,5%/ປີ. ຍ້ອນເຫດນັ້ນ, ການປະຢັດພະລັງງານແມ່ນໜຶ່ງໃນບັນດາມາດຕະການບັນລຸປະສິດທິຜົນທີ່ສຸດ ຊ່ວຍຫຼຸດຜ່ອນຄວາມດັນໃນການຂຸດຄົ້ນ. ພ້ອມກັນນັ້ນ ຊ່ວຍຮັບປະກັນຄວາມໝັ້ນຄົງໃນການສະໜອງໄຟຟ້າແຫ່ງຊາດ, ປົກປັກຮັກສາສິ່ງແວດລ້ອມ, ປະກອບສ່ວນໃຫ້ແກ່ການປະຕິບັດຄຳໝັ້ນສັນຍາຂອງ ຫວຽດນາມ ທີ່ຂໍ້ຕົກລົງ ປາຣີ ກ່ຽວກັບການຮັບມືກັບການປ່ຽນແປງຂອງດິນຟ້າອາກາດທົ່ວໂລກ, ກໍຄືທີ່ກອງປະຊຸມສຸດຍອດກ່ຽວກັບການປ່ຽນແປງຂອງດິນຟ້າອາກາດ COP26 ກ່ຽວກັບການປະຕິບັດທິດທາງຫຼຸດຜ່ອນການປ່ອຍອາຍຜິດເຮືອນແກ້ວລົງ 0 ໃນປີ 2050.”