ຜູ້ແທນເຂົ້າຮ່ວມພິທີມອບລາງວັນ
ພາບ:TTXVN
|
(vovworld)- ພິທີສະຫລຸບ ແລະ ມອບລາງວັນການຂົນຂວາຍປະດິດແຕ່ງເພງສະເຫລີມສະຫລອງ 70 ປີແຫ່ງວັນເລືອກຕັ້ງສະພາແຫ່ງຊາດທົ່ວປະເທດຄັ້ງທຳອິດ (6/1/1946-6/1/2016) ໄດ້ດຳເນີນໄປໃນຕອນຄ່ຳວັນທີ 2/11 ຢູ່ ຮ່າໂນ້ຍ ໂດຍເປັນກຽດເຂົ້າຮ່ວມຂອງທ່ານປະທານສະພາແຫ່ງຊາດ ຫງວຽນຊີງຮຸ່ງ ພ້ອມດ້ວຍຜູ້ແທນຫລາຍທ່ານ. ຄະນະຈັດຕັ້ງໄດ້ມອບລາງວັນທີ 1 ຫນຶ່ງລາງວັນ, ລາງວັນທີ 2 ສອງລາງວັນ, ລາງວັນທີ 3 ສາມລາງວັນ ແລະ ລາງວັນຊົມເຊີຍ 6 ລາງວັນໃຫ້ບັນດານັກປະດິດແຕ່ງເພງທີ່ມີຄຸນນະພາບ ແລະ ຄຸນຄ່າດ້ານສິລະປະ, ສ່ອງແສງໄດ້ວິວັດທະນາການສ້າງຕັ້ງ ແລະ ພັດທະນາຂອງສະພາແຫ່ງຊາດຫວຽດນາມ ຜ່ານໄລຍະ 70 ປີຜ່ານມາ. ທ່ານ ຫງວຽນແຫ້ງຟຸກ, ຫົວຫນ້າຫ້ອງວ່າການສະພາແຫ່ງຊາດ ຖືວ່າ: ບັນດາບົດເພງໄດ້ຮັບການຄັດເລືອກ ຈະຖືກໂຄສະນາຢ່າງກວ້າງຂວາງຜ່ານພາຫະນະສື່ມວນຊົນ ແລະ ຈະນຳມາສະແດງໃນງານໂຮມຊຸມນຸມມິດຕິງສະເຫລີມສະຫລອງ 70 ປີແຫ່ງວັນເລືອກຕັ້ງສະພາແຫ່ງຊາດທົ່ວປະເທດຄັ້ງທຳອິດ ຊື່ງຈະຖືກຈັດຂຶ້ນຢູ່ຫໍສະພາແຫ່ງຊາດ ແລະ ຫໍປະຊຸມ ບາດີງ ຫລັງໃຫມ່.