(ພາບປະກອບ: phapluatvn.vn)
(vovworld) - ຕອນເຊົ້າວັນທີ 18/3, ຢູ່ຮ່າໂນ້ຍ, ກະຊວງສຶກສາ ແລະ ບຳລຸງສ້າງ, ກະຊວງແຮງງານ ທະຫານເສຍອົງຄະ ແລະ ສັງຄົມຫວຽດນາມ ໄດ້ລົງນາມໃນຖະແຫຼງການຮ່ວມມືກັບກະຊວງການຕ່າງປະເທດ, ກະຊວງເສດຖະ ກິດ ແລະ ຮ່ວມມືພັດທະນາ ສ.ສະຫະພັນເຢຍລະມັນ ກ່ຽວກັບການພັດທະນາ, ບຳລຸງສ້າງແຫຼ່ງຊັບພະຍາກອນມະນຸດ. ກ່າວຄຳເຫັນທີ່ພິທີລົງນາມ, ທ່ານເຈີ່ນກວາງກູຍ, ຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຖືວ່າ: ຖະແຫຼງການຮ່ວມມືຈະສ້າງທ່າໃຫ້ແກ່ການຕິດພັນລະຫວ່າງບັນດາວິສາຫະກິດ ແລະ ໂຮງຮຽນ ຢ່າງມີປະສິດທິຜົນ ແລະ ຄຸນນະພາບ, ແກ້ໄຂບັນຫາ ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງເປັນຢ່າງດີ, ຕອບສະໜອງຄວາມຕ້ອງການຂອງສັງຄົມ:
“ໃນໄລຍະຜ່ານມາ, ພວກຂ້າພະເຈົ້າໄດ້ເຮັດວຽກກັບສະຫະສະມາຄົມບັນດາວິສາຫະກິດເຢຍລະມັນ ຢູ່ຫວຽດນາມ. ປະຈຸບັນ, ມີວິສາຫະກິດເຢຍລະມັນ 160 ແຫ່ງພວມຢູ່ຫວຽດນາມ, ເຂົາເຈົ້າເອງກໍ່ຕ້ອງການແຫຼ່ງຊັບພະຍາກອນມະນຸດມີຄຸນນະພາບສູງ ເພື່ອຕອບສະໜອງໄດ້ຄວາມຮຽກຮ້ອງຕ້ອງການໃນການຜະລິດ, ດຳເນີນທຸລະກິດຂອງບັນດາວິສາຫະກິດເຢຍລະມັນ ພ້ອມກັນນັ້ນກໍ່ຢາກຊ່ວຍບັນດາມະຫາວິທະຍາໄລ, ວິທະຍາໄລ ແລະ ພິເສດແມ່ນບັນດາໂຮງຮຽນສອນວິຊາຊີບຂອງຫວຽດນາມ ຍົກສູງເຕັກນິກຄວາມສາມາດດ້ານວິຊາຊີບ ເພື່ອຍົກສູງຄຸນນະພາບ ແລະ ຮັບໃຊ້ໃຫ້ແກ່ບັນດາວິສາຫະກິດ. ສະນັ້ນ, ນີ້ແມ່ນຖະແຫຼງການຮ່ວມມືທີ່ພວກເຮົາໄດ້ລໍຄອຍ“.