ພິທີເຊັນແຜນການຮ່ວມ ມືດ້ານການສຶກສາ ຫວຽດນາມ-ລາວ
(ພາບ: qdnd.vn)
(vovworld)- ຕອນບ່າຍວັນທີ 27/12, ຢູ່ນະຄອນໂຮ່ຈິມິນ, ໄດ້ຈັດພິທີເຊັນແຜນການຮ່ວມມືດ້ານການສຶກສາປີ 2014 ລະຫວ່າງກະຊວງສຶກສາ ແລະ ບຳລຸງສ້າງຫວຽດນາມ ແລະ ກະຊວງສຶກສາທິການ-ກິລາລາວ ໃນຂອບເຂດກອງປະຊຸມ ຮ່ວມມືດ້ານການສຶກສາຫວຽດນາມ-ລາວ 2013. ເຂົ້າຮ່ວມພິທີມີທ່ານເຈິ່ງກວາງກຸຍ ຮອງລັດຖະມົນຕີ ກະຊວງສຶກສາ ແລະ ບຳລຸງສ້າງຫວຽດນາມ ແລະ ທ່ານກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ-ກິລາລາວ. ຕາເນື້ອໃນໄດ້ຮັບການເຊັນແລ້ວ, ຝ່າຍຫວຽດນາມ ຮັບພະນັກງານ, ນັກຮຽນ, ນັກສຶກສາ, ນັກສຳມະນາກອນລາວ 405 ຄົນ, ຮັບລູກຫຼານຊອງຊາວຫວຽດນາມ ອາໄສຢູ່ລາວໄປຮຽນໄລຍະສັ້ນ ແລະ ຍາວ; ສືບຕໍ່ສົ່ງອາຈານ 30 ຄົນໄປສອນພາສາຫວຽດ ໃຫ້ພະນັກງານບັນດາກະຊວງ, ຄະນະ, ຂະແໜງການ ແລະ ນັກຮຽນລາວ. ສ່ວນຝ່າຍລາວຈະສະຫງວນທຶນສຶກສາ 53 ທຶນໃຫ້ພະນັກງານ, ນັກຮຽນຫວຽດນາມ ໄປຮຽນມະຫາວິທະຍາໄລ, ເໜືອມະຫາວິທະຍາໄລຂະແໜງວິທະຍາສາດສັງຄົມ ແລະ ຍົກສູງລະດັບຄວາມຮູ້ພາສາລາວໃນເວລາ 1 ປີ. ສອງຝ່າຍເຫັນດີເປັນເອກະສັນນຳວິຊາພາສາຫວຽດ ເປັນວິຊາພາສາຕ່າງປະເທດເຂົ້າໃນຫຼັກສູດຢູ່ບັນດາໂຮງຮຽນສາມັນຂອງລາວ, ບັນດາໂຮງຮຽນກິນນອນຊົນເຜົ່າຢູ່ທ້ອງຖິ່ນຕ່າງໆໂດຍຫວຽດນາມຊ່ວຍກໍ່ສ້າງ ແລະ ບັນດາໂຮງຮຽນສາມັນຂອງຊາວຫວຽດນາມ ອາໄສຢູ່ລາວ./.