ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ (ພາບ: TTXVN)

ສຳນັກພິມຈຳໜ່າຍການເມືອງແຫ່ງຊາດ ສຶເທິດ (ຄວາມຈິງ) ໄດ້ ຈັດພິມຈຳໜ່າຍປຶ້ມດ້ວຍຊື່ວ່າ “ ຕັດສິນໃຈສະກັດກັ້ນ ແລະ ຍູ້ຖອຍການສໍ້ຫຼາດບັງຫຼວງ” ໂດຍຄັດສະເໜີຄຳກ່າວປາໄສ, ບົດຂຽນ, ບົດຕອບສຳພາດຂອງ ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ. ປຶ້ມດັ່ງກ່າວແນໃສ່ຫັນການຊີ້ນຳຂອງທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ, ຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ຫຼາດບັງຫຼວງເປັນລະບົບ, ຊ່ວຍໃຫ້ບັນດາຂັ້ນ, ຂະແໜງການ, ບັນດາທ້ອງຖິ່ນ, ບັນດາອົງການພັກ ແລະ ປະຊາຊົນກຳແໜ້ນ, ຊາບຊືມ ແລະ ຜັນຂະຫຍາຍ ວຽກງານສຳຄັນນີ້ຢ່າງມີປະສິດທິຜົນ.

        ປຶ້ມດັ່ງກ່າວລວມມີ31 ບົດກ່າວຄຳເຫັນ, ບົດຂຽນ, ການຕອບສຳພາດ  ຂອງ ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ຫຼາດບັງຫຼວງ, ພາຍຫຼັງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ໂດຍສະເພາະແມ່ນແຕ່ກອງປະຊຸມໃຫຍ່ຄັ້ງທີ XII ຂອງພັກຈົນຮອດປັດຈຸບັນ.