ວັນທີ 31 ພຶດສະພາ, ຟີລິບປິນ ໄດ້ສົ່ງໜັງສືທາງການທູດ ຄັດຄ້ານຕໍ່ເລື່ອງ ຈີນ ຈັດວາງຄຳສັ່ງຫ້າມຫາປາຢູ່ທະເລຕາເວັນອອກຕາມລຳພັງຝ່າຍດຽວ.

     ໃນຖະແຫຼງການດັ່ງກ່າວ, ກະຊວງການຕ່າງປະເທດ ຟີລິບປິນ ໄດ້ຊີ້ແຈ້ງວ່າ ປະເທດນີ້ ຄັດຄ້ານເລື່ອງ ຈີນຈັດວາງຄຳສັ່ງຫ້າມຫາປາໃນແຕ່ລະປີຢູ່ທະເລຕາເວັນອອກ, ໃນນັ້ນ ມີບໍລິເວນນອນໃນເຂດເສດຖະກິດພິເສດ (EEZ) ຂອງ ຟີລິບປິນ ແລະ ຫວຽດນາມ.

     ກະຊວງການຕ່າງປະເທດ ຟີລິບປິນ ກໍຄັດຄ້ານເລື່ອງ ກຳປັ່ນຕຳຫຼວດທະເລຂອງ ຈີນ ກໍ່ຄວາມຫຍຸ້ງເຫຍືອງ ແລະ ລ່ວງລໍ່າອຳນາດສານຂອງປະເທດນີ້. ມານີລາ ກ່າວຫາ ປັກກິ່ງ ກໍ່ກວນຕໍ່ການເຄື່ອນໄຫວຄົ້ນຄວ້າວິທະຍາສາດທະເລ ແລະ ການເຄື່ອນໄຫວສຳຫຼວດນ້ຳມັນອາຍແກັດ ຢູ່ສອງບໍລິເວນທີ່ນອນໃນເຂດເສດຖະກິດພິເສດຂອງ ຟີລິບປິນ.