ກຳລັງປະກອບອາວຸດ ໂຊມາລີ ປະທະກັນກັບມືປືນ Ahlu Sunna Wal Jamaa (ພາບ: AP)

ວັນທີ 24 ຕຸລາ, ມີຜູ້ເສຍຊີວິດຢ່າງໜ້ອຍສຸດ 30 ຄົນ ແລະ ຜູ້ຮັບບາດເຈັບ 70 ຄົນ ໃນການປະທະກັນຄັ້ງຕ່າງໆລະຫວ່າງກຳລັງປະກອບອາວຸດ ໂຊມາລີ ແລະ ມືປືນ Ahlu Sunna Wal Jamaa, ເຊິ່ງເປັນກຸ່ມກຳລັງທີ່ເຄີຍຮ່ວມມືກັບ ລັດຖະບານ ໂຊມາລີ ຕ້ານຄືນອົງການກໍ່ການຮ້າຍ Al – Shabaad ໃນເມື່ອກ່ອນນີ້. ນອກຈາກນັ້ນ, ກອງທັບ ໂຊມາລີ ກໍໃຫ້ຮູ້ວ່າ ສາມາດຈັບໄດ້ມືປືນ Ahlu Sunna  ຈຳນວນໜຶ່ງໃນການປະທະກັນຄັ້ງຕ່າງໆທີ່ເກີດຂຶ້ນຢູ່ ນະຄອນ Guriel.

        ຕົ້ນເດືອນຕຸລາ 2021, ວິທະຍຸກະຈາຍສຽງ Dalsan ຂອງ ໂຊມາລີ ໄດ້ໃຫ້ຂ່າວວ່າ ກຸ່ມ Ahlu Sunnah Wal Jamaa ໄດ້ຢຶດຄອງນະຄອນ Guriel ແລະ Dusmareb ຢູ່ ພາກກາງປະເທດນີ້.