(vovworld) - ຕອນບ່າຍວັນທີ 31/1, ຢູ່ນະຄອນ ຍາຈາງ, ກອງບັນຊາການທະຫານປ້ອງກັນຊາຍແດນ ແຂວງ ແຄງຮ່ວາ ໄດ້ມອບສົ່ງຊາວປະມົງ ຟິລິບປິນ 5 ຄົນ ຊຶ່ງໄດ້ຮັບການກອບກູ້ເອົາຊີວິດຈາກຊາວປະມົງແຂວງແຄງຮ່ວາ ເມື່ອຖືກປະສົບເຄາະຮ້າຍຢູ່ທະເລ ເຈື່ອງຊາ ໃຫ້ສະຖານທູດ ຟີລິບປິນ ປະຈຳ ຫວຽດນາມ. ກ່ອນໜ້ານັ້ນ, ວັນທີ 26/12/2012, ກຳປັ່ນຫາປາ PY 96039 TS ຂອງທ່ານ ຫງວຽນວັນຮຽບ ຢູ່ແຂວງ ຟູ໋ອຽນ ພວມຫາປາທູນາ ຢູ່ເຂດທະເລ ເຈື່ອງຊາ, ແຂວງແຄງຮ່ວາ ໄດ້ພົບເຫັນກຳ່ປັ່ນຫາປາ ຟິລິບປິນລຳໜຶ່ງ ພວມ ຮັບເຄາະຮ້າຍບົນທະເລ, ໃນກຳປັ່ນລຳດັ່ງກ່າວມີຊາວປະມົງ 5 ຄົນ. ວັນທີ 19/1 ຜ່ານມາ, ທ່ານ ຫງວຽນວັນຮຽບ ໄດ້ນຳຊາວປະມົງ ຟິລິບປິນ 5 ຄົນປະສົບເຄາະຮ້າຍ ມາຮອດທ່າກຳປັ່ນ ບາງອຍ (Ba Ngoi), ກາມແຣງ (Cam Ranh), ແຂວງແຄງຮ່ວາ (Khanh Hoa) ດ້ວຍຄວາມປອດໄພ ແລະ ມອບສົ່ງໃຫ້ບັນດາອົງການມີໜ້າທີ່ຮັບຜິດຊອບຂອງແຂວງ ແຄງຮ່ວາ.