(vovworld) - ຕອນເຊົ້າວັນທີ 18/9, ຢູ່ແຂວງ Binh Duong, ຄະນະຜູ້ແທນຂັ້ນສູງແຂວງຈຳປະສັກ (ລາວ) ໄດ້ມອບຫຼຽນໄຊ, ຫຼຽນກາ ຂອງສປປ ລາວ ເຊິ່ງລວມມີຫຼຽນໄຊອິດສະຫຼະຊັ້ນ 3 ແລະ ຫຼຽນກາມິດຕະພາບໃຫ້ແກ່ 3 ໝູ່ຄະນະ ແລະ ການນຳ 2 ທ່ານຂອງແຂວງ Binh Duong ຍ້ອນມີການປະກອບສ່ວນຫຼາຍຢ່າງໃນການພັດທະນາການພົວພັນຮ່ວມມືໃນຫຼາຍຂົງເຂດ, ປະກອບສ່ວນສຳຄັນເຂົ້າໃນການປັບປຸງຄວາມສາມັກຄີມິດຕະພາບລະຫວ່າງສອງປະເທດຫວຽດນາມ - ລາວ ເວົ້າລວມ ແລະ ສອງແຂວງ Binh Duong - ຈຳປະສັກ ເວົ້າສະເພາະ. ໃນໄລຍະຜ່ານມາ, ແຂວງ ຈຳປະສັກ ແລະ Binh Duong ໄດ້ມີການພົວພັນຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນດ້ວຍຫຼາຍຮູບການຢ່າງລະອຽດ. ພາຍຫຼັງສອງແຂວງມີສັນຍາຮ່ວມມືນຳກັນແຕ່ປີ 2006, ໄດ້ມີການຊ່ວຍເຫຼືອລ້າ, ມີບັນດາໂຄງການຮ່ວມມື ແລະ ລົງທຶນ. ແຂວງ Binh Duong ໄດ້ຊ່ວຍກໍ່ສ້າງພື້ນຖານໂຄງລ່າງກິດຈະກຳກິລາ, ວຽກງານສື່ມວນຊົນໃຫ້ແກ່ແຂວງຈຳປະສັກ ກະກຽມຈັດຕັ້ງງານມະຫາກຳກິລາທົ່ວປະເທດຄັ້ງທີ 8 ປີ 2008 ຢູ່ແຂວງນີ້, ຊ່ວຍບຳລຸງສ້າງແຫຼ່ງຊັບພະຍາກອນ ເພີ່ມກຳລັງແຮງງານທີ່ມີຄຸນນະພາບສູງ.