ມອບໃບຮັບຮອງປູສະນີຍະສະຖານປະຫວັດສາດລະ ດັບຊາດຢູ່ບ້ານ ລາວໂຄ - ເຊີນລາ
ປະທານສະພາແຫ່ງຊາດຫວຽດນາມ ແລະ ລາວ ເຂົ້າຮ່ວມພິທີເລົ່ມລົງມືກໍ່ສ້າງ
(ພາບ: ສຳນັກຂ່າວສານຫວຽດນາມ)
(vovworld) – ນອກກອງປະຊຸມການພົວພັນຮ່ວມມືສະພາແຫ່ງຊາດຫວຽດນາມ - ລາວ ຢູ່ແຂວງເຊີນລາ, ຕອນເຊົ້າວັນທີ 24/4, ໄດ້ດຳເນີນພິທີມອບໃບຮັບຮອງເຂດປູສະນີຍະສະຖານປະຫວັດສາດລະດັບຊາດ ແລະ ເລີ່ມລົງມືກໍ່ສ້າງເຂດປູສະນີຍະສະຖານປະຕິວັດຫວຽດນາມ - ລາວ ຢູ່ບ້ານລາວໂຄ, ຕາແສງ ພຽນຄວາຍ, ເມືອງ ອຽນເຈົາ, ແຂວງເຊີນລາ. ເຂດປູສະນີຍະສະຖານແມ່ນຂີດໝາຍອັນເລິກເຊິ່ງກ່ຽວກັບໄລຍະເວລາເຄື່ອນໄຫວປະຕິວັດຂອງ ທ່ານເລຂາທິການໃຫຍ່ພັກປະຊາຊົນປະຕິວັດລາວ ໄກສອນ ພົນວິຫານ ແລະ ກອງຕະລຸມບອນລາວ - ພາກເໜືອ ຢູ່ອຽນເຈົາ, ເຊີນລາ, ຫວຽດນາມ ໄລຍະ 1948 – 1950. ດິນແດນ ແລະ ປະຊາຊົນຢູ່ບ້ານ ລາວໂຄນີ້ໄດ້ ອຸ້ມຊູຊ່ວຍເຫຼືອທ່ານໃນຕະຫຼອດວິວັດແຫ່ງການເຄື່ອນໄຫວປະຕິວັດ. ເຂດປູສະນີຍະສະຖານໄດ້ຮັບການກໍ່ສ້າງໃນເນື້ອທີ່ 3.500 ມ2, ລວມມີບັນດາກິດຈະກຳຕົ້ນຕໍ່ຄື: ອະນຸສະຖານ, ອະນຸສາວະລີມິດຕະພາບຫວຽດນາມ - ລາວ, ຫໍວາງສະແດງ... ກ່າວຄຳເຫັນທີ່ພິທີເລີ່ມລົງມືກໍ່ສ້າງ, ທ່ານປະທານສະພາແຫ່ງຊາດຫວຽດນາມ Nguyen Sinh Hung ເນັ້ນໜັກວ່າ:
“ອົງການຕ່າງໆທີ່ກ່ຽວຂ້ອງໄດ້ຕັ້ງໜ້າສົມທົບກັນກະກຽມບັນດາເງື່ອນໄຂທີ່ຈຳເປັນເພື່ອໃຫ້ປູສະນີຍະສະຖານໄດ້ຮັບການຮັບຮອງກົງກັບໂອກາດ 2 ປະເທດສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ, 35 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ - ລາວ. ໃນພິທີຢ່າງສົມກຽດນີ້, ອີກເທື່ອໜຶ່ງຂ້າພະເຈົ້າຂໍອວຍພອນນ້ຳໃຈມິດຕະພາບທີ່ເປັນມູນເຊື້ອຄວາມສາມັກຄີແບບພິເສດຫວຽດນາມ - ລາວ ຈົ່ງສວຍສົດງົດງາມ, ໝັັ້ນຄົງທະນົງແກ່ນຕະຫຼອດໄປ ແລະ ພັດທະນາຢ່າງຮອບດ້ານ”