ທ່ານລັດຖະມົນຕີກະຊວງທ່ອງທ່ຽວ ອິດສະຣາແອັນ Haim Katz (ພາບ:  ITN)

ນີ້ເປັນການຢ້ຽມຢາມ ອາຣັບບິ ຊະອຸດິ ແບບເປີດເຜີຍເປັນຄັ້ງທຳອິດ, ໃນສະພາບການສອງປະເທດພວມດຳເນີນການເຈລະຈາເພື່ອຮັບປະກັນການພົວພັນສອງຝ່າຍ. ການຢ້ຽມຢາມດັ່ງກ່າວ ມີລັກສະນະເປັນບາດລ້ຽວ ເຊິ່ງໄດ້ດຳເນີນໃນຂະນະທີ່ Riyadh ສົ່ງຄະນະຜູ້ແທນທຳອິດ ໄປຍັງເຂດຝັງຕາເວັນຕົກແມ່ນ້ຳຈໍແດນ ທີ່ຖືກປິດລ້ອມພາຍຫຼັງ 3 ທົດສະວັດ.

        ໃນຖະແຫຼງການສະບັບ 1 , ກະຊວງທ່ອງທ່ຽວ ອິດສະຣາແອັນ ໃຫ້ຮູ້ວ່າ ທ່ານ Katz ເປັນລັດຖະມົນຕີ ອິດສະຣາແອັນ ຄົນທຳອິດທີ່ນຳພາຄະນະຜູ້ແທນມາຢ້ຽມຢາມ ອາຣັບບິ ຊະອຸດິ, ພ້ອມທັງຢັ້ງຢືນວ່າ ເຈົ້າໜ້າທີ່ຄົນນີ້ ຈະເຂົ້າຮ່ວມການເຄື່ອນໄຫວສະເຫຼີມສະຫຼອງວັນທ່ອງທ່ຽວໂລກຂອງ ສປຊ ຢູ່ Riyadh. ໃນສອງວັນຢູ່ຢ້ຽມຢາມ, ທ່ານ Katz ຈະມີການພົບປະກັບບັນດາ “ຄູ່ຕຳແໜ່ງ”, ແຕ່ບໍ່ໄດ້ເຜີຍລະອຽດວ່າປະເທດໃດຈະມີຜູ້ແທນເຂົ້າຮ່ວມ.

        ອາຣັບບິ ຊະອຸດິ ແລະ ອິດສະຣາແອັນ ພວມມານະພະຍາຍາມດຳເນີນບັນດາການເຄື່ອນໄຫວການທູດ ແນໃສ່ບັນລຸໄດ້ສັນຍາຫັນການພົວພັນລະຫວ່າງສອງປະເທດເປັນປົກກະຕິ.