(vovworld) – ລັດເຊຍ, ຈີນ ເຫັນດີຮ່ວມມືໃນຫຼາຍໂຄງການດ້ານການທະຫານທີ່ສຳຄັນ, ຕາມເສນາທິການໃຫຍ່ກຳລັງປະກອບອາວຸດລັດເຊຍ Valery Gerasimov ແລ້ວ, ມີຫຼາຍໂຄງການຮ່ວມມືໃນບັນດາຂົງເຂດຈຸດສຸມໄດ້ຮັບຄວາມເຫັນດີ. ທ່ານສະແດງຄວາມຫວັງວ່າ, ບັນດາໂຄງການດັ່ງກ່າວອາດຈະຊ່ວຍເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ແລະ ຮ່ວມມືຢ່າງແທດຈິງລະຫວ່າງ 2 ປະເທດ ເພື່ອການພົວພັນດ້ານການທະຫານແມ່ນປັດໃຈຕັດສິນການຮ່ວມມືຍຸດທະສາດລະຫວ່າງລັດເຊຍ ແລະ ຈີນ. ທ່ານຮອງເສນາທິການໃຫຍ່ກອງທັບປົດປ່ອຍປະຊາຊົນຈີນ ວາງແຈວນຈຸງ ເນັ້ນໜັກວ່າ ຈີນ ພ້ອມແລ້ວຈະຮ່ວມມືກັບລັດເຊຍ ເພື່ອປະຕິບັດໂຄງການຮ່ວມມືດ້ານການທະຫານ ເພື່ອແນໃສ່ຊຸກຍູ້ການພົວພັນຄູ່ຮ່ວມມື - ຮ່ວມມືຍຸດທະສາດຮອບດ້ານລະຫວ່າງ 2 ປະເທດ.
ໃນຂອບເຂດຮອບເຈລະຈາຍຸດທະສາດຄັ້ງທີ 17, ວັນທີ 05/11, 2 ຝ່າຍ ໄດ້ປຶກສາຫາລືສະພາບຄວາມປອດໄພໃນພາກພື້ນ ແລະ ຢູ່ໃນໂລກໃນປະຈຸບັນ, ບັນດາບັນຫາຮ້ອນເຮັ່ງໃນພາກພື້ນກໍ່ຄືການພົວພັນລະຫວ່າງກອງທັບ 2 ປະເທດ.