ການຊ້ອມຮົບຂອງລັດເຊຍ (ພາບເອກະສານ: AFP/TTXVN)

ຕາມນັ້ນແລ້ວ, ກຳລັງລູກສອນໄຟທະຫານເຂດ Leningrad ໄດ້ທຳການຊ້ອມຮົບຢ່າງປິດລັບ ເຊິ່ງໄດ້ນຳເອົາບັນດາລູກສອນໄຟສູ້ຮົບຍຸດທະວິທີ Iskander ໄປຍັງເຂດທີ່ໄດ້ກຳນົດໄວ້. ນອກຈາກນັ້ນ, ລູກສອນໄຟໃນບັນດາກ່ຳປັ່ນສູ້ຮົບຂອງກອງທັບເຮືອ ຍັງໄດ້ປະກອບດ້ວຍລູກປືນຝຶກຊ້ອມ ແລະ ກອງທະຫານເຮືອຊ້ອມຮົບເຄື່ອນຍ້າຍໄປຍັງເຂດລາດຕະເວນ.

        ກ່ອນໜ້ານັ້ນ, ທ້າຍເດືອນ ພຶດສະພາ, ບັນດາກຳລັງຂອງ ລັດເຊຍ ໄດ້ເລີ່ມໄລຍະທີ 1 ຂອງການຊ້ອມຮົບການທະຫານຢູ່ເຂດການທະຫານພາກໃຕ້. ໄລຍະທຳອິດຂອງການຊ້ອມຮົບນີ້ ມີການເຂົ້າຮ່ວມຂອງລູກສອນໄຟນຳວິຖີ Iskander ແລະ Kinzhal ກໍຄື ຂອງກຳລັງລູກສອນໄຟຢູ່ເຂດການທະຫານພາກໃຕ້ຂອງ ລັດເຊຍ, ໂດຍມີຊາຍແດນຕິດກັບ ຢູແກຼນ.

        ວັນທີ 10 ມິຖຸນາຜ່ານມາ, ເບລາຣຸດ ກໍແຈ້ງໃຫ້ຊາບວ່າ ກອງທັບປະເທດນີ້ ໄດ້ເຂົ້າຮ່ວມໄລຍະທີ 2 ຂອງການຊ້ອມຮົບຂອງ ລັດເຊຍ ດ້ວຍເນື້ອໃນ ຜັນຂະຫຍາຍອາວຸດນິວເຄຼຍຍຸດທະວິທີ.