(vovworld) – ວັນທີ 05/02, ລັດເຊຍ ໄດ້ອອກສຽງກ່າວເຕື່ອນອາເມລິກາ ອາດຈະສະໜອງອາວຸດໃຫ້ຢູແກຼນ ແລະ ເນັ້ນໜັກວ່າ, ການກະທຳດັ່ງກ່າວຈະທຳລາຍການພົວພັນລະຫວ່າງ 2 ປະເທດ. ໂຄສົກກະຊວງການຕ່າງປະເທດລັດເຊຍ ທ່ານ Alexander Lukashevich ໃຫ້ຮູ້ວ່າ, ມົດສກູ “ມີຄວາມວິຕົກກັງວົນຢ່າງເລິກເຊິ່ງ” ຕໍ່ການປຶກສາຫາລືຕ່າງໆຢູ່ຝ່າຍຕາເວັນຕົກ ກ່ຽວກັບຄວາມສາມາດຈະສະໜອງອາວຸດໃຫ້ກອງທັບຢູແກຼນ. ທ່ານ Lukashevich ເນັ້ນໜັກວ່າ, ຖ້າຫາກຂໍ້ຕົກລົງດັ່ງກ່າວໄດ້ຮັບການປະຕິບັດ ມັນຈະກໍ່ຄວາມເສຍຫາຍຢ່າງຮ້າຍແຮງເຖິງການພົວພັນລະຫວ່າງລັດເຊຍ ແລະ ອາເມລິກາ, ພິເສດແມ່ນເມື່ອອາວຸດໂດຍອາເມລິກາ ສະໜອງກໍ່ຄວາມບາດເຈັບລົ້ມຕາຍໃຫ້ສາມັນຊົນເຂດ Donbass ເຊິ່ງລວມມີ 2 ແຂວງ Donetsk ແລະ Lugansk. ຜູ້ຕາງໜ້າການຕ່າງປະເທດລັດເຊຍ ຊີ້ແຈ້ງວ່າ, ສິ່ງດັ່ງກ່າວບໍ່ພຽງແຕ່ເຮັດໃຫ້ສະພາບວິກິດການຢູ່ທິດຕາເວັນອອກຢູແກຼນ ຮ້າຍແຮງຂຶ້ນຕື່ມເທົ່ານັ້ນ ຫາກຍັງນາບຂູ່ເຖິງຄວາມສະຫງົບປອດໄພຂອງລັດເຊຍ ອີກດ້ວຍ, ໃນສະພາບທີ່ຜືນແຜ່ນດິນຂອງລັດເຊຍ ຖືກຢູແກຼນ ຍິງປືນໃຫຍ່ເປັນຫຼາຍຄັ້ງ.