![ລາຍການພົບປະແລກປ່ຽນສິລະປະ“ຮ່ວມແຮງຮ່ວມໃຈກັບຊາວປະມົງເພື່ອອອກໄກຝັ່ງຫາປາ” - ảnh 1](https://image.vovworld.vn/w730/uploaded/vovworld/bcgmbuiq/2014_07_21/3.jpg)
ເຖິງວ່າສະພາບສັບສົນຢູ່ທະເລຕາເວັນອອກ ແຕ່ຊາວປະມົງຫວຽດນາມ ຍັງສືບຕໍ່ອອກໄກຝັ່ງຫາປາ
ພາບ:vtv.vn
|
(vovworld)-ຕອນບ່າຍວັນທີ 21/7 ວິທະຍຸກະຈາຍສຽງຫວຽດນາມ ໄດ້ຈັດລາຍການພົບປະແລກປ່ຽນສິລະປະ“ຮ່ວມແຮງຮ່ວມໃຈກັບຊາວປະມົງເພື່ອອອກໄກຝັ່ງຫາປາ”ປີ 2014. ຈຸດພົ້ນເດັ່ນຂອງລາຍການ ແມ່ນການພົບປະໂອ້ລົມກັບຜູ້ຕາງຫນ້າຂອງກຳລັງກວດກາການປະມົງ ແລະ ຊາວປະມົງດີເດັ່ນຈຳນວນຫນຶ່ງ. ລາຍການໄດ້ຊີ້ໃຫ້ເຫັນເຈດຈຳນົງອົງອາດກ້າແກ່ນ, ຄວາມຕັດສິນໃຈຂອງຊາວປະມົງ ແລະ ກຳລັງກວດກາການປະມົງ ອອກໄກຝັ່ງປົກປັກຮັກສາອະທິປະໄຕທະເລໝູ່ເກາະຂອງປະເທດຊາດ. ເນື່ອງໃນໂອກາດນີ້ ຜູ້ຕາງຫນ້າທະນາຄານແຫ່ງລັດຫວຽດນາມ ໄດ້ມອບເງິນຈຳນວນຫນຶ່ງ ເພ່ືອຫນູນຊ່ວຍຊາວປະມົງອອກໄກຝັ່ງຫາປາ, ແລະ ສະຫນອງຂໍ້ມູນຂ່າວສານກ່ຽວກັບແຜນນະໂຍບາຍ, ນະໂຍບາຍສິນເຊື່ອບຸລິມະສິດໃຫມ່ຂອງລັດຖະບານ, ຂອງທະນາຄານແຫ່ງລັດສຳລັບຊາວປະມົງທົ່ວປະເທດ ເພື່ອຫນູນຊ່ວຍຊາວປະມົງອອກໄກຝັ່ງຫາປາ.