ຜູ້ຕາງໜ້າຊາວຫວຽດນາມອາໄສຢູ່ຕ່າງປະເທດນັບພັນຄົນ ໄດ້ເຂົ້າຮ່ວມລາຍການ ລະດູບານໃໝ່ຢູ່ບ້ານເກີດເມືອງນອນ ຊື່ງມີຫົວຂໍ້ວ່າ: “ບ່ອນເຕົ້າໂຮມຂອງມັງກອນສັກສິດ” ເນື່ອງໃນໂອກາດຕ້ອນຮັບບຸນປີໃໝ່ປະຈຳຊາດ, ໝາຍເຖິງບຸນເຕັດ, ປີມະຣົງ ປີ 2012 ຢູ່ບ້ານເກີດເມືອງນອນ ທີ່ສະໜາມຫຼວງບາດິ່ງ ເຂດສຸສານປະທານໂຮ່ຈິມິນ-ຮ່າໂນ້ຍ. ນະທີ່ນີ້, ທ່ານປະທານປະເທດເຈືອງເຕີນຊາງ, ຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດ ສັງກັດກະຊວງການຕ່າງປະເທດ, ການນຳນະຄອນຮ່າໂນ້ຍ, ສູນກາງສະມາຄົມພຸດທະສາສະໜາຫວຽດນາມພ້ອມດ້ວຍ ຊາວຫວຽດນາມອາໄສຢູ່ຕ່າງປະເທດນັບຮ້ອຍຄົນໄດ້ເຂົ້າຢ້ຽມຂ່ຳນັບສຸດສານລຸງໂຮ່, ທະຫວາຍທູບທຽນຢູ່ພະລາຊະວັງ ຮ່ວາງແທງທັງລອງ, ໄປຢ້ຽມຢາມເຂດປູ່ສະນີປະຖານປິຫວັດສາດປະທານໂຮ່ຈິມິນ.
ໃນບົດກ່າວປາໄສອວຍພອນປີໃໝ່ຊາວຫວຽດນາມອາໄສຢູ່ຕ່າງປະເທດ, ທ່ານປະທານປະເທດເຈືອງເຕີນຊາງ ໄດ້ສະແດງຄວາມຊົມເຊີຍພໍ່ແມ່ ປຊຊ ຫວຽດນາມອາໄສຢູ່ຕ່າງປະເທດ ທີ່ໄດ້ກັບເມືອບ້ານເກີດເມືອງນອນ ຕ້ອນຮັບບຸນປີໃໝ່ປະຈຳຊາດ. ທ່ານປະທານປະເທດເຈືອງເຕີນຊາງ ໄດ້ລາຍງານບັນດາຜົນງານອັນສຳຄັນຂອງປະເທດຊາດໃນປີ 2011 ແລະເຊື່ອໝັ້ນວ່າ ປີ 2012 ດ້ວຍຄຸນນະທາດ ພູມປັນຍາ ແລະມູນເຊື້ອຂອງຊາດຫວຽດນາມ, ປະເທດຊາດຈະຜ່ານຜ່າການທ້າທາຍທຸກຢ່າງ, ບື່ນຕົວຂຶ້ນຢ່າງບໍ່ຢຸດຢັ້ງ, ກາຍເປັນປະເທດໝັ້ນຄົງເຂັ້ມແຂງ, ມີທີ່ຕັ້ງບົດບາດໃນເວທີສາກົນ, ທ່ານເວົ້າວ່າ:
“ຍາມໃດ, ພັກ, ລັດ ແລະປະຊາຊົນຫວຽດນາມກໍຢືນຢັນວ່າ ຊາວຫວຽດນາມອາໄສຢູ່ຕ່າງປະເທດ ແມ່ນພາກສ່ວນໜື່ງທີ່ບໍ່ສາມາດຕັດແຍກອອກຈາກກັນໄດ້ ຂອງວົງຄະນາຍາດຫວຽດນາມ, ດັ່ງນັ້ນ, ຍາມໃດກໍ່ປາດຖະໜາ ແລະໜູນຊ່ວຍປະຊາຊົນສາມັກຄີ, ຊ່ວຍເຫຼືອຊື່ງ ກັນ ແລະກັນ, ສ້າງຊີວິດການເປັນຢູ່ເປັນປົກກະຕິ, ພັດທະນາເສດຖະກິດ, ເຈືອຈານເຂົ້າກັບວົງຄະນາຍາດໃນປະເທດທີ່ຕົນເອງອາໄສຢູ່. ເປັນຂົວຕໍ່ການພົວພັນຮ່ວມມືມິດຕະພາບລະຫວ່າງປະຊາຊົນຫວຽດນາມ ກັບປະຊາຊົນປະເທດຕ່າງໆໃນໂລກ ແລະຍາມໃດກໍ່ມຸ້ງໄປເຖິງບ້ານເກີດເມືອງນອນ ແລະປະເທດຊາດ”.
ສ່ວນປ້າ ຫວູ໋ທິມາຍ, ຊາວຫວຽດນາມອາໄສຢູ່ອັງກິດເວົ້າວ່າ:
“ໃນໂອກາດບຸນເຕັດ, ປະຊາຊົນໄດ້ຕ້ອນຮັບບຸນເຕັດ ລະດູບານໃໝ່ພ້ອມກັບຍາດຕິພີ່ນ້ອງ. ຍາມໃດພັກ, ລັດກໍໄດ້ເອົາໃຈໃສ່ ຕ້ອນຮັບຊາວຫວຽດນາມອາໄສຢູ່ຕ່າງປະເທດຄືພວກຂ້າພະເຈົ້າ. ຂ້າພະເຈົ້າຮູ້ສຶກພາກພູມໃຈທີ່ສຸດ ຍ້ອນວ່າ ປີນີ້ໄດ້ໄປຢ້ຽມສຸສານລຸງໂຮ່ ແລະເຂົ້າຮ່ວມລາຍການ ລະດູບານໃໝ່ຢູ່ບ້ານເກີດເມືອງນອນ”.