ລາຍການ“ ຫວຽດນາມກຽດສະຫງ່າ” ຄັ້ງທີ 10 ປີ 2013
ທ່ານນາງຮອງປະທານປະເທດຫວຽດນາມຫງວຽນທິຢວານກ່າວຄຳເຫັນທີ່ພິທີ (ພາບ : laodong.com)
|
Vovworld- 26 ໝູ່ຄະນະ ແລະ ສ່ວນບຸກຄົນທີ່ມີຜົນງານດີເດັ່ນໃນການກໍ່ສ້າງ ແລະ ປົກປັກຮັກສາ ປະເທດຊາດໃນ 2 ປີມໍ່ມານີ້ ໄດ້ຮັບການເຊີນຊູທີ່ລາຍການ“ ຫວຽດນາມກຽດສະຫງ່າ” ຄັ້ງທີ 10 ປີ 2013. ລາຍການດັ່ງກ່າວໂດຍໜັງສືພິມ ແຮງງານ, ສະຫະພັນໃຫຍ່ແຮງງານຫວຽດນາມສົມທົບກັບສະຖານີໂທລະພາບຫວຽດນາມຈັດຂຶ້ນໃນຕອນເຊົ້າວັນທີ 13/7 ຢູ່ຮ່າໂນ້ຍ. ທ່ານນາງຮອງປະທານປະເທດຫວຽດນາມຫງວຽນທິຢວານ, ທ່່ານຮອງນາຍົກລັດຖະມົນຕີຫງວຽນທ້ຽນເຍີນ ພ້ອມກັບການນຳບັນດາກະຊວງ, ຂະແໜງການຂັ້ນສູນກາງໄດ້ເຂົ້າຮ່ວມລາຍການ. ກ້າວຄຳເຫັນທີ່ພິທີ, ທ່ານຮອງປະທານປະເທດຫວຽດນາມຫງວຽນທິຢວານ ໄດ້ຊົມເຊີຍ ແລະ ສະແດງຄວາມຂອບໃຈຕໍ່ການປະກອບສ່ວນຢ່າງຕັ້ງໜ້າຂອງບັນດາແບບຢ່າງຜູ້ອອກແຮງງານທີ່ດີເດັ່ນໃນທົ່ວປະເທດ, ພິເສດແມ່ນ 26 ໝູ່ຄະນະ ແລະ ສ່ວນບຸກຄົນໄດ້ຮັບການເຊີນຊູທີ່ລາຍການ“ ຫວຽດນາມກຽດສະຫງ່າ” ຄັ້ງທີ 10 ປີ 2013. ທ່ານນາງຮອງປະທານປະເທດຫວຽດນາມຫງວຽນທິຢວານ ເນັ້ນໜັ້ກວ່າ :
“26 ໝູ່ຄະນະ ແລະ ສ່ວນບຸກຄົນພ້ອມກັບບັນດາຜູ້ອອກແຮງ ງານທີ່ດີເດັ່ນໃນທຸກໆຂົງເຂດທີ່ໄດ້ຮັບການເຊີນຊູທີ່ລາຍການ ໄດ້ປະຕິບັດຄຳສັ່ງສອນຂອງປະທານໂຮ່ຈິມິນກ່ຽວກັບການແຂ່ງຂັນຮັກຊາດເປັນຢ່າງດີ. ເຂົາເຈົ້າໄດ້ນຳມາເຊິ່ງຄວາມຕື້ນຕັນໃຈ, ແລະ ບົດຮຽນກ່ຽວກັບຫົວຄິດປະດິດສ້າງ, ຄວາມດຸໝັ້ນຂະຫຍັນພຽນ ຜ່ານຜ່າຄວາມຫຍຸ້ງຍາກໃນການອອກແຮງງານ, ການສູ້ຮົບເພື່ອຍາດໄດ້ໄຊຊະນະ. ການມີໜ້າຂອງບັນດາຕົວແບບທີ່ກ້າວໜ້າ, ບັນດານັກວິລະຊົນ, ນັກຮົບແຂ່ງຂັນໃນທົ່ວປະເທດໃນລາຍການມື້ນີ້ໄດ້ນຳຜົນສຳເລັດມາສູ່ປະເທດຊາດໃນໄລຍະທີ່ຜ່ານມາ ”