(vovworld) -​ເນື່ອງ​ໃນ​ໂອກາດ​ສະ​ເຫຼີມສະຫຼອງ 58 ປີ​ແຫ່ງ​ວັນ​ສ້າງ​ຕັ້ງ​ພັກ​ປະຊາຊົນ​ປະຕິວັດ​ລາວ (22/03/1955 – 22/03/2013), ວັນ​ທີ 22/3, ບັນດາ​ອົງການ​ພັກ, ອຳນາດ​ການ​ປົກຄອງ​ລາວ​ຈາກ​ຂັນສູນ​ກາງ​ລົງ​ຮອດ​ທ້ອງ​ຖິ່ນ ​ໄດ້​ຈັດການ​ເຄື່ອນ​ໄຫວຂ່ຳ​ນັບ​ຊົມ​ເຊີຍຕ່າງໆ ດ້ວຍ​ບັນດາ​ຮູບ​ການ​ທີ່​ມີ​ຫຼາຍ​ຮູບ​ຫຼາຍ​ແບບ ​ແລະ ​ແທດ​ຈິງ. ບັນດາ​ຫົວໜ່ວຍ, ທ້ອງ​ຖິ່ນ​ໄດ້​ຈັດການ​ໂອ້​ລົມ, ສາຍຟິມຮູບ​ເງົາ, ​ເລົ່າ​ເລື່ອງ​ມູນ​ເຊື້ອ​ຂອງພັກ​ປະຊາຊົນ​ປະຕິວັດ​ລາວ ​ແລະ ມູນ​ເຊື້ອ​ແຫ່ງ​ການ​ຕໍ່ສູ້​ປົ​ກປັກ​ຮັກສາ ​ແລະ ສ້າງສາ​ປະ​ເທດ​ຊາດ​ຂອງ​ປະຊາຊົນ​ລາວ​ບັນດາ​ເຜົ່າ ​ໂດຍ​ພາຍ​ໃຕ້​ການ​ນຳພາ​ຂອງພັກ​ປະຊາຊົນ​ປະຕິວັດ​ລາວ ​ໃນ 58 ປີຜ່ານມາ. ຢູ່​ວຽງ​ຈັນ, ສະຖານ​ບັນ​ວິທະຍາ​ສາດ​ສັງຄົມ​ແຫ່ງ​ຊາດ ​ແລະ ສະ​ຖາ​ບັນດາ​ການ​ເມືອງ​ການ​ປົກຄອງ​ແຫ່ງ​ຊາດ​ລາວ ​ໄດ້​ຈັດການ​ບັນ​ລະ​ຍາຍ​ກ່ຽວ​ກັບ​ມູນ​ເຊື້ອ​ວິລະ​ຊົນ​ຂອງ​ພັກ ​ແລະ ການ​ເສຍ​ສະລະ​ຊີວິດ​ຂອງ​ບັນດາ​ລຸ້ນພໍ່​ລຸ້ນອ້າຍ ​ເພື່ອ​ຍາດ​ເອົາ​ເອກະລາດ ​ເສລີພາບ​ມາ​ໃຫ້​ປະ​ເທດ​ຊາດ.
    ​ເນື່ອງ​ໃນ​ໂອກາດນີ້, ວັນ​ທີ 21/03, ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູນິດ​ຫວຽດນາມ ​ໄດ້​ສົ່ງ​ສານ​ຊົມ​ເຊີຍ​ເຖິງ​ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ​ປະຕິວັດ​ລາວ ​ແລະ​ກໍ​ໃນ​ວັນ​ດຽວ​ກັນ, ທ່ານ​ຮ່ວາງ​ບິງ​ກວນ, ກຳມະ​ການ​ສູນ​ກາງ​ພັກ, ຫົວ​ນ້າ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ​ກອມ​ມູນິດ​ຫວຽດນາມ ​ໄດ້​ສົ່ງ​ໂທລະ​ເລກ​ອວຍ​ອນ​ເຖິງ​ທ່ານ ທອງ​ລຸນ ສີ​ສຸ​ລິດ, ກຳມະການ​ກົມ​ການ​ເມືອງ, ຮອງ​ນາຍົກລັດຖະມົນຕີ, ຫົວ​ໜ້າ​ຄະນະ​ພົວພັນ​ຕ່າງປະ​ເທດ, ລັດຖະມົນຕີ​ກະຊວງ​ການ​ຕ່າງປະ​ເທດ​ລາວ.

ເນື່ອງ​ໃນ​ໂອກາດ​ນີ້, ຄະນະ​ຜູ້​ແທນ​ຄະນະ​ພົວພັນ​ຕ່າງປະ​ເທດ​ສູນ​ກາງ​ຫວຽດນາມ ກໍ​ໄປ​ອວຍພອນ​ສະຖານທູ​ດ​ແຫ່ງ ສປປລາວ ປະຈຳ​ຫວຽດນາມ ເຊັ່ນດຽວກັນ.