ເຂົ້າຮ່ວມກອງປະຊຸມ ຈະມີບັນດາການນໍາບັນດານະຄອນຄື ນະຄອນໂຮ່ຈີມິນຂອງ ຫວຽດນາມ, ນະຄອນພະນົມເປັນ ຂອງ ກໍາປູເຈຍ, ນະຄອນ Yangon ຂອງ ມຽນມາ, ນະຄອນຫຼວງ ບາງກອກ ປະເທດໄທ ແລະ ນະຄອນຫຼວງວຽງຈັນ. ຈຸດສຸມຂອງກອງປະຊຸມຄັ້ງນີ້ ແມ່ນປຶກສາຫາລືກ່ຽວກັບບັນດາມາດຕະການເພື່ອແນໃສ່່ປົວແປງ ແລະ ຍົກລະດັບບັນດາຜະລິດຕະພັນທ່ອງທ່ຽວ ແລະ ການບໍລິການ, ກໍຄືສ້າງກໍາລັງດູດດື່ມຂອງບັນດານະຄອນ ຢູ່ເຂດລຸ້ມແມ່ນໍ້າຂອງ ເພື່ອດຶງດູດແຂກທ່ອງທ່ຽວໃນພາກພື້ນ ແລະ ໃນໂລກ.      

ກອງປະຊຸມຈະຖືກຈັດຂຶ້ນ ກົງກັບໂອກາດອອກພັນສາ ແລະ ບຸນຊ່ວງເຮືອ ຈະດໍາເນີນໄປຢູ່ວຽງຈັນ (ພາບປະກອບ: VOV)

        ຕາມທ່ານນາງຫົວໜ້າຫ້ອງການຄຸ້ມຄອງ ແລະ ບໍລິຫານຕົວເມືອງວຽງຈັນ ວິໄລວອນ ຈັນທະລາຕີ ແລ້ວ, ເຫດການດັ່ງກ່າວຈະຖືກຈັດຂຶ້ນ ກົງກັບໂອກາດອອກພັນສາ ແລະ ບຸນຊ່ວງເຮືອ ຈະດໍາເນີນໄປຢູ່ວຽງຈັນ. ນີ້ໄດ້ຮັບຖືວ່າ ແມ່ນໂອກາດທີ່ດີ ເພື່ອໂຄສະນາການທ່ອງທ່ຽວຂອງນະຄອນຫຼວງວຽງຈັນ.

        ຕາມການສະຖິຕິແລ້ວ, ປີ 2018, ນະຄອນຫຼວງວຽງຈັນໄດ້ຕ້ອນຮັບແຂກທ່ອງທ່ຽວພາຍໃນ ແລະ ຕ່າງປະເທດ ຈໍານວນ 2,7 ລ້ານເທື່ອຄົນ ມາຢ້ຽມຢາມບັນດາສະຖານທີ່ທ່ອງທ່ຽວ ແລະ ເຂົ້າຮ່ວມບັນດາງານບຸນທີ່ເປັນເອກະລັກສະເພາະຢູ່ທີ່ນີ້.