(ພາບ: TTXVN/Bloomberg)
(vovworld) - ບັນດາດັດຊະນີເສດຖະກິດມະຫາພາກລ້າສຸດສະແດງໃຫ້ເຫັນວ່າ ຜົນສະທ້ອນຈາກວິກິດການໜີ້ສາທາລະນະຢູ່ເຂດທີ່ໃຊ້ສະກຸນເງິນເອີລົບ (Eurozone) ເລີ່ມສົ່ງຜົນສະທ້ອນເຖິງເຢຍລະມັນ. ຕາມການຄາດຄະເນຂອງກະຊວງເສດຖະກິດເຢຍລະມັນ ແລ້ວ, ລະດັບເຕີບໂຕຂອງພື້ນຖານເສດຖະກິດໃຫຍ່ກວ່າໝູ່ຢູ່ເອີລົບຈະຖືກກົດໜ່ວງໃນໄຕມາດທີ 4 ປີນີ້ ແລະ ຈະແກ່ຍາວໝົດໄຕມາດທີ 1 ປີ 2013. ຄວາມຈິງແລ້ວ, ວົງເງິນສົ່ງອອກຂອງເຢຍລະມັນ ໄດ້ຫຼຸດລົງ 3,4% ໃນເດືອນ 9 ຜ່ານມາ. ຈຳນວນໃບສັ່ງຊື້ສິນຄ້າອຸດສາຫະກຳໃນໄລຍະນີ້ກໍ່ຫຼຸດລົງຢ່າງຫຼວງຫຼາຍ. ມີວິສາຫະກິດໃຫຍ່ຈຳນວນໜຶ່ງຂອງເຢຍລະມັນ ເລີ່ມນຳໃຊ້ນະໂຍບາຍຄັດເຂ່ຍກຳມະກອນ. ບັນດາຜູ້ຊ່ຽວຊານດ້ານເສດຖະກິດຍັງສະແດງຄວາມວິຕົກກັງວົນວ່າ, ຂົງເຂດເຄື່ອງຈັກ, ອຸປະກອນ ກໍ່ຈະຖືກຜົນສະທ້ອນຍ້ອນວິກິດການ, ຍ້ອນວິສາຫະກິດຈຳນວນໜຶ່ງເລີ່ມປະຕິບັດນະໂຍບາຍຫວ່າງງານ.