ທຸງຊາດຫວຽດນາມຢູ່ Saint Amand les Eaux
(ພາບ:VOV)
(vovworld)- ຫວຽດນາມ ຫາກໍ່ເຂົ້າຮ່ວມງານມະໂຫລານນ້ຳຢູ່ນະຄອນ Saint Amand les Eaux ຫ່າງຈາກນະຄອນຫຼວງປາຣີ ເກືອບ 200 ກມ. ນີ້ແມ່ນໂອກາດເພື່ອປຶກສາຫາລືບັນດາໂຄງການຮ່ວມມືລະຫວ່າງຫວຽດນາມ ກັບບັນດາທ້ອງຖິ່ນທີ່ມີທ່າແຮງດ້ານເຕັກໂນໂລຊີກ່ຽວກັບນ້ຳ. ກ່າວຄຳເຫັນທີ່ພິທີໄຂງານມະໂຫລານ, ທ່ານ Alain Bocquet ສະມາຊິກລັດຖະສະພາ, ເຈົ້າຄອງນະຄອນ ໃຫ້ຮູ້ວ່າ:
“ງານມະໂຫລານນ້ຳປີນີ້ຖືກດຳເນີນໄປໃນໂອກາດສອງປະເທດສະເຫລີມສະ ຫລອງ 40 ປີແຫ່ງວັນສ້າງຕັ້ງສາຍພົວພັນທາງການທູດ ແລະ ຈັດປີພົບປະແລກປ່ຽນຊື່ງກັນ ແລະ ກັນ. ສະນັ້ນພວກຂ້າພະເຈົ້າຕົກລົງຖືເອົາຫົວເລື່ອງແມ່ນຫວຽດນາມ ແລະ ເຊີນຫວຽດນາມ ມາເປັນແຂກກິຕິມະສັກ”.
ທ່ານເຢືອງຈິຢຸງ ແລະ ທ່ານ Alain Bocquet
(ພາບ:VOV)
ສ່ວນທ່ານເຢືອງຈິຢຸງ ເອກອັກດຄະລັດຖະທູດຫວຽດນາມ ປະຈຳຝະລັ່ງ ໄດ້ຕີລາຄາສູງງານມະໂຫລານນ້ຳ, ຖືວ່າ, ນີ້ແມ່ນການເຄື່ອນໄຫວທີ່ມີຄວາມໝາຍໃນປີພົບປະແລກປ່ຽນລະຫວ່າງສອງປະເທດ:
“ຫວຽດນາມ ຢາກແນະນຳໃຫ້ພວກເພື່ອນກ່ຽວກັບວັດທະນະທຳປູກເຂົ້າ, ອາ ຫານການກິນ, ບັນດາຊຸດອາພອນພື້ນເມືອງ, ຮູບຖ່າຍຂອງບັນດານັກຖ່າຍຮູບຝະລັ່ງ ຖ່າຍກ່ຽວກັບຫວຽດນາມ ແລະ ກໍ່ໄດ້ຈັດງານຕະຫລາດນັດແນະນຳບັນດາຜະລິດຕະພັນຂອງຫວຽດນາມ”.