(vovworld) – ມີວິສາຫະກິດປຸງແຕ່ງສິນໃນນ້ຳ ສັງກັດສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ (VASEP) ແລະ ວິສາຫະກິດພາກເອກະຊົນເກືອບ 50 ແຫ່ງ ໄດ້ເຂົ້າຮ່ວມງານຕະຫຼາດນັດສິນໃນນ້ຳທົ່ວໂລກ ບຣຸກແຊນ 2015 (SEG) ຄັ້ງທີ 23. ເຊິ່ງດຳເນີນໄປແຕ່ວັນທີ 21 – 23/04, ຢູ່ສູນຈັດງານວາງສະແດງສາກົນ Hetsel ຢູ່ນະຄອນຫຼວງບຣຸກແຊນ, SEG ແມ່ນເຫດການປະຈຳປີທີ່ໃຫຍ່ກວ່າໝູ່ໃນຂົງເຂດປຸງແຕ່ງ ແລະ ສົ່ງອອກສິນໃນນ້ຳຂອງເອີລົບ, ໄດ້ດຶງດູດການເຂົ້າຮ່ວມຂອງວິສາຫະກິດເກືອບ 2.000 ແຫ່ງ ທີ່ມາຈາກ 100 ປະເທດໃນໂລກ, ເພື່ອແນໃສ່ພົບປະ, ແລກປ່ຽນ, ລົງນາມບັນດາສັນຍາແລກປ່ຽນຄ້າຂາຍ. ຕອນເຊົ້າວັນທີ 21/04, ທ່ານເອກອັກຄະລັດຖະທູດຫວຽດນາມ ປະຈຳ ລາຊະອານາຈັກແບນຊິກ, ທັງຮັບຜິດຊອບການທູດຢູ່ລາຊະອານາຈັກ Luxemboung, ເວືອງເທື່ອຟອງ, ພ້ອມກັບບັນດາທີ່ປຶກສາດ້ານການຄ້າຂອງຫວຽດນາມ ປະຈຳຢູ່ບາງປະເທດເອີລົບ ໄດ້ມາຢ້ຽມຢາມເຂດວາງສະແດງຂອງຫວຽດນາມ. ບັນດາຜະລິດຕະພັນສິນໃນນ້ຳຂອງຫວຽດນາມ ເຂົ້າຮ່ວມງານຕະຫຼາດນັດປີນີ້ມີຜະລິດຕະພັນຫຼາຍຢ່າງ, ຕົ້ນຕໍ່ແມ່ນ; ກຸ້ງ, ປາຈາ, ປາບາຊາ… ພິເສດແມ່ນ ປາທູນາ ທີ່ສະຫງວນໃຫ້ຕະຫຼາດເອີລົບ.