ພາບປະກອບ
(vovworld) – ຕອນເຊົ້າວັນທີ 22/2, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫງວຽນທ້ຽນເຍິນ ໄດ້ເປັນປະທານວາລະປະຊຸມສະພາແຫ່ງລັດກ່ຽວກັບການພັດທະນາຢ່າງໝັ້ນຄົງ ແລະ ຍົກສູງຄວາມສາມາດແກ່ງແຍ້ງ. ກ່າວຄວາມເຫັນໄຂວາລະກອງປະຊຸມ, ທ່ານຮອງນາຍົກລັດຖະມົນຕີ ຫງວຽນທ້ຽນເຍິນ ເນັ້ນໜັກວ່າ, ປີ 2013 ແມ່ນປີບານພັບໃນແຜນການ 5 ປີ 2011 – 2015, ດັ່ງນັ້ນໃນປີນີ້, ສະພາແຫ່ງລັດກ່ຽວກັບການພັດທະນາຢ່າງໝັ້ນຄົງ ແລະ ຍົກສູງຄວາມສາມາດແກ່ງແຍ້ງຕ້ອງມີບົດລາຍງານກ່ຽວກັບສະພາບຕົວຈິງແຫ່ງການພັດທະນາຢ່າງໝັ້ນຄົງຂອງຫວຽດນາມ, ພ້ອມທັງສ້າງບົດລາຍງານກ່ຽວກັບຄວາມສາມາດແກ່ງແຍ້ງຂອງຫວຽດນາມ ໃຫ້ສຳເລັດເພື່ອຍື່ນສະເໜີຕໍ່ລັດຖະບານ.
ຕາມແຜນການແລ້ວ, ໃນປີນີ້, ສະພາ ແລະ ບັນດາຄະນະກຳມະການວິຊາການຈະເປັນເສນາທິການ, ໃຫ້ຄຳປຶກສາແກ່ນາຍົກລັດຖະມົນຕີໃນຫຼາຍບັນຫາ, ພິເສດແມ່ນສະເໜີບັນດາມາດຕະການຜັນຂະຫຍາຍການປະຕິບັດຍຸດທະສາດພັດທະນາຢ່າງໝັ້ນຄົງຂອງຫວຽດນາມ ໄລຍະ 2011 – 2020 ແລະ ແຜນການດຳເນີນງານແຫ່ງຊາດກ່ຽວກັບການພັດທະນາຢ່າງໝັ້ນຄົງໄລຍະ 2013 – 2015.