ພິທີສົ່ງອອກກຸ້ງງວດທຳອິດຂອງປີ 2021 (ພາບ: nld.com.vn)

ວັນທີ 05 ມັງກອນ, ຢູ່ບໍລິສັດຫຸ້ນສ່ວນສິນໃນນ້ຳ ມິງຝູ໊ເຮົ້າຢາງ, ກະຊວງກະສິກຳ ແລະ ພັດທະນາຊົນນະບົດຫວຽດນາມ ໄດ້ສົມທົບກັບຄະນະກຳມະການປະຊາຊົນແຂວງ ເຮົ້າຢາງ, ກຸ່ມບໍລິສັດສິນໃນນ້ຳ ມິງຝູ໊ ໄດ້ຈັດພິທີສົ່ງອອກກຸ້ງງວດທຳອິດຂອງປີ 2021 ດ້ວຍປະລິມານ 160 ໂຕນໄປຕະຫຼາດເອີລົບ (ອີຢູ), ອາເມລິກາ, ຍີ່ປຸ່ນ. ກ່າວຄຳເຫັນນະທີ່ນີ້, ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ ຟຸ່ງດຶກຕ໊ຽນ, ສະເໜີໃຫ້ບັນດາທ້ອງຖິ່ນສົ່ງເສີມການພັດທະນາການຜະລິດຕາມທິດຮ່ວມສຳພັນລະຫວ່າງບັນດາລະບົບ; ພ້ອມກັນນັ້ນຮັບປະກັນຄຸນນະພາບ, ຄວາມປອດໄພດ້ານສະບຽງອາຫານສິນໃນນ້ຳ.

        “ເພີ່ມທະວີການຮ່ວມສຳພັນລະຫວ່າງບັນດາຫົວໜ່ວຍທີ່ເຂົ້າຮ່ວມລະບົບການຜະລິດ ແມ່ນເພື່ອແນໃສ່ຍົກສູງຄຸນນະພາບ, ຮັບປະກັນການຊອກຫາຕົ້ນກຳເນີດ ແລະ ສືບຕໍ່ຍົກສູງອັດຕາສຳລັບຜະລິດຕະພັນທີ່ມີມູນຄ່າສົ່ງອອກສູງ; ສ້າງໂຄງການຄຸ້ມຄອງຄຸນນະພາບໃຫ້ສົບບູນແບບ, ຄຸ້ມຄອງຄຸນນະພາບແຫຼ່ງວັດຖຸດິບໃຫ້ເປັນຢ່າງດີ. ຕ້ອງສ້າງເຂດວັດຖຸດິບຢ່າງໝັ້ນຄົງ ພວກເຮົາຈຶ່ງມີຄວາມອຸ່ນອ່ຽນໃຈປຸງແຕ່ງ ແລະ ສົ່ງອອກໄດ້”.