ທີ່ການພົບປະສັງສັນ, ບັນດາຜູ້ແທນຊາວໜຸ່ມຊົນເຜົ່າສ່ວນໜ້ອຍໄດ້ແບ່ງປັນວຽກງານ ແລະ ບັນດາຜົນງານອຸທິດສ່ວນໃຫ້ປະເທດໃນຊຸມປີຜ່ານມາ, ພ້ອມທັງສະເໜີຄວາມມຸ່ງມາດປາດຖະໜາຕໍ່ພັກ, ລັດ.

ຜູ້ແທນຊາວໜຸ່ມດີເລີດໄດ້ຮັບໃບຍ້ອງຍໍ (ພາບ: nhandan.com.vn)

        ກ່າວຄຳເຫັນທີ່ພິທີພົບປະສັງສັນ, ອ້າຍ ຫງວຽນແອງຕ໊ວນ, ເລຂາຜູ້ທີໜຶ່ງສູນກາງຄະນະຊາວໜຸ່ມກອມມູນິດໂຮ່ຈີມິນ ຢືນຢັນວ່າ: ສູນກາງຄະນະຊາວໜຸ່ມຈະຮ່ວມເດີນທາງພ້ອມກັບຊາວໜຸ່ມຊົນເຜົ່າສ່ວນໜ້ອຍກໍ່ຮ່າງສ້າງຕົວ, ສ້າງອາຊີບ, ພັດທະນາເສດຖະກິດຢູ່ທ້ອງຖິ່ນ. ອ້າຍ ຫງວຽນແອງຕ໊ວນ ເຊື່ອໝັ້ນວ່າ: ບັນດາຊາວໜຸ່ມຊົນເຜົ່າສ່ວນໜ້ອຍ ພ້ອມກັບພໍ່ແມ່ປະຊາຊົນຢູ່ທ້ອງຖິ່ນ ຈະສາມັກຄີກັນ, ຮ່ວມແຮງຮ່ວມໃຈກັນພັດທະນາເສດຖະກິດ, ສັງຄົມ, ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ; ຕັ້ງໜ້າເຂົ້າຮ່ວມບັນດາການເຄື່ອນໄຫວຂອງຄະນະຊາວໜຸ່ມ, ສະມາຄົມ ກໍ່ຄືບັນດາການເຄື່ອນໄຫວລວມໝູ່.