ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໂດ໊ຖັ໊ງຫ໋າຍ ໃຫ້ຮູ້ວ່າ ຂະແໜງອຸດສາຫະກຳ ແລະ ການຄ້າ (ພາບ: moit.gov.vn)

 ຕໍ່ໜ້າສະພາບການດັ່ງກ່າວ, ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໂດ໊ຖັ໊ງຫ໋າຍ ໃຫ້ຮູ້ວ່າ ຂະແໜງອຸດສາຫະກຳ ແລະ ການຄ້າ ຈະສືບຕໍ່ກະກຽມບັນດາມາດຕະການຢ່າງຂ້ຽວຂາດກວ່າອີກ ເພື່ອແນໃສ່ຮັກສາລະດັບການເຕີບໂຕຂອງການເຄື່ອນໄຫວສົ່ງອອກ, ຮັບປະກັນເປົ້າໝາຍທັງປີ 2021 ວົງເງິນສົ່ງອອກຈະເພີ່ມຂຶ້ນປະມານ 4 – 5% ເມື່ອທຽບໃສ່ປີ 2020 ແລະ ດຸ່ນການຄ້າສືບຕໍ່ຮັກສາທ່າສົ່ງອອກເກີນດຸ່ນ. ໃນນັ້ນ, ຕ້ອງສຸມໃສ່ການຜະລິດອຸດສາຫະກຳ ເພື່ອທັງຮັບປະກັນພື້ນຖານເສດຖະກິດພາຍໃນປະເທດ ທັງຮັບປະກັນການເຄື່ອນໄຫວສົ່ງອອກ. ທ່ານກ່າວວ່າ:

        “ໃນການຜະລິດອຸດສາຫະກຳ, ສະເພາະຂົງເຂດປຸງແຕ່ງ, ປະດິດສ້າງ ກວມເອົາກວ່າ 80% ວົງເງິນສົ່ງອອກ, ສະນັ້ນ ຕ້ອງຮັບປະກັນການຜະລິດອຸດສາຫະກຳ, ນັບທັງຢູ່ບັນດາທ້ອງຖິ່ນທີ່ໂລກລະບາດພວມແຜ່ລະບາດ. ຖ້າຫາກວ່າ ດຽວນີ້ພວມເຮົາປິດປະຕູບັນດາຮາກຖານຜະລິດ ແມ່ນອັນຕະລາຍທີ່ສຸດ. ເພາະວ່າ ພວກເຮົາບໍ່ຮັບປະກັນໄດ້ແຫຼ່ງສະໜອງສິນຄ້າ ແລະ ວົງເງິນສົ່ງອອກ, ສຳຄັນທີ່ສຸດແມ່ນ ດຽວນີ້ ເມື່ອພວກເຮົາຢຸດການຜະລິດນັ້ນ ຮອດເວລາພວກເຮົາກັບຄືນສູ່ຜະລິດຄືນໃໝ່ ຈະປະສົບກັບຄວາມຫຍຸ້ງຍາກກ່ຽວກັບບັນຫາກຳມະກອນ, ແຮງງານ ແລະ ສັນຍາສັ່ງຊື້ກໍຖືກຕັດຕອນ”.

        ຕາມທ່ານຮອງລັດຖະມົນຕີ ໂດ໊ຖັ໊ງຫາຍ ແລ້ວ, ຄາດວ່າ ວົງເງິນສົ່ງອອກສິນຄ້າໃນເດືອນກໍລະກົດ 2021 ບັນລຸ 185,33 ຕື້ USD, ເພີ່ມຂຶ້ນ 25,5% ເມື່ອທຽບໃສ່ໄລຍະດຽວກັນຂອງປີກາຍ, ນີ້ກໍສືບຕໍ່ແມ່ນສັນຍານທີ່ໜ້າປະເອີບໃຈ, ໃນສະພາບການໂລກລະບາດໂຄວິດ - 19 ແຜ່ລະບາດອອກສູ່ວົງກວ້າງ. ໃນໄລຍະຈະມາເຖິງ, ຄາດວ່າການເຄື່ອນໄຫວສົ່ງອອກ - ນຳເຂົ້າ ຍັງມີຄວາມບົ່ມຊ້ອນຫຼາຍຢ່າງເພື່ອເຕີບໂຕ, ເມື່ອບັນດາສັນຍາການຄ້າເສລີ ພວມຄ່ອຍໆໄດ້ຮັບການປະຕິບັດຢ່າງຮອບດ້ານກວ່າ ແລະ ມີປະສິດທິຜົນກວ່ານັ້ນ ກໍໄດ້ຕັ້ງຄວາມຫວັງວ່າ ຈະສືບຕໍ່ຊຸກຍູ້ບັນດາຂະແໜງສົ່ງອອກຂອງ ຫວຽດນາມ.