ສປຊ ຮັບຮູ້ວ່າອາຍພິດ ຊາຣິນໄດ້ຖືກນຳໃຊ້ ຢູ່ຊີຣີ
(ພາບ:thanhnien.com.vn)
(vovworld)- ວັນທີ 16/9, ຜູ້ຕາງໜ້າຂອງກຸ່ມຜູ້ຊ່ຽວຊານ ສປຊ ໄດ້ຍື່ນສະເໜີບົດລາຍງານກ່ຽວກັບວິວັດການສືບສວນເຫດການບຸກໂຈມຕີນຳໃຊ້ອາວຸດເຄມີຢູ່ຊີຣີ ເມື່ອວັນທີ 21/8 ຕໍ່ທ່ານເລຂາທິການໃຫ່ຍ ສປຊ ບານກີມູນ. ບົດລາຍງານສະຫລຸບວ່າ: ມີບັນດາພະຍານຫຼັກຖານທີ່ຈະແຈ້ງ ແລະ ເກັ້ຍກ່ອມຊ່ວຍຢັ້ງຢືນອາວຸດເຄມີຖືກນຳໃຊ້ຢູ່ເຂດ Ghouta ຊານນະຄອນຫຼວງ Damacus ແນ່ໃສ ສາມັນຊົນ, ໃນນັ້ນມີທັງເດັກນ້ອຍ ໃນຂອບເຂດກ້ວາງພໍສົມຄວນແຕ່ບົດລາຍງານບໍ່ໄດ້ແຈ້ງຊື່ຝ່າຍໃດຢູ່ຊີຣີ ໄດ້ປະຕິບັດເຫດການບຸກໂຈມຕີດັ່ງກ່າວ.
ກ່າວຄຳເຫັນພາຍຫຼັງທີ່ກຸ່ມຊ່ຽວຊານຍື່ນສະເໜີບົດລາຍງານ, ທ່ານເລຂາທິການໃຫ່ຍ ສປຊ ບານກີມູນ ຢືນຢັນວ່າ: ການບຸກໂຈມຕີດ້ວຍອາວຸດເຄມີຢູ່ຊີຣີ ແມ່ນໂທດກຳສົງຄາມ ພ້ອມທັງຮຽກຮ້ອງໃຫ້ສະພາຄວາມໝັ້ນຄົງ ສປຊ ຈົ່ງຊັ່ງຊາບັນດາມາດຕະການຮັບປະກັນເພື່ອໃຫ້ອຳນາດການປົກຄອງຂອງປະທານາທິບໍດີຊີຣີ Bashar al Assad ປະຕິບັດຕາມແຜນການຂອງລັດເຊຍ ແລະ ອາເມລິກາ ເພື່ອແນໃສ່ທຳລາຍສາງອາວຸດເຄມີຂອງປະເທດນີ້. ໃນຂະນະນັ້ນ, ຫຼາຍປະເທດຝ່າຍຕາເວັນຕົກສືບຕໍ່ຖືວ່າ: ອຳນາດການປົກຄອງຂອງປະທານາທິບໍດີຊີຣີ Bashar al Assad ຕ້ອງຮັບຜິດຊອບຕໍ່ເຫດການດັ່ງກ່າວ.