ວັນທີ 25 ພະຈິກ, ທ່ານ Mark Lowcock ຮອງເລຂາທິການໃຫຍ່ ສປຊ, ຜູ້ຮັບຜິດຊອບກ່ຽວກັບບັນຫາມະນຸດສະທໍາ ແລະ ປະສານງານການໜູນຊ່ວຍດ່ວນ ໄດ້ຮຽກຮ້ອງໃຫ້ປະຊາຄົມສາກົນ ຈົ່ງໃຫ້ການຊ່ວຍເຫຼືອຊູດັງ ຢ່າງຮີບດ່ວນ ຍ້ອນເຂົາເຈົ້າປະສົບກັບຄວາມຫຍຸ້ງຍາກດ້ານເສດຖະກິດ, ສະພາບຂາດໂພສະນາການ ແລະ ພະຍາດໂລຄາ.

        ຜູ້ນໍາໜ້າອົງການມະນຸດສະທໍາຂອງ ສປຊ ກ່າວເຕືອນວ່າ ຊູດັງພວມປະເຊີນໜ້າກັບບັນດາສິ່ງທ້າທາຍຢ່າງຮ້າຍແຮງ ແລະ ຕ້ອງການການຊ່ວຍເຫຼືອຈາກປະຊາຄົມສາກົນ.

        ທ່ານ Mark Lowcock ເນັ້ນໜັກວ່າ ຊູດັງ ມີໂອກາດຄັ້ງປະຫວັດສາດເພື່ອຫຼຸດພົ້ນອອກຈາກສະພາບການປະທະກັນທີ່ນອງເລືອດ, ຂາດສະຖຽນລະພາບທີ່ແກ່ຍາວມາເປັນເວລາຫຼາຍປີ ແລະ ສະແດງຄວາມຫວັງວ່າ ປະເທດອາຟະລິການີ້ ອາດຈະບັນລຸໄດ້ບັນດາບາດກ້າວເດີນທີ່ດີກວ່າໃນວິວັດການສ້າງສັນຕິພາບ.