ສປປ.ເກົາຫຼີ ຢັ້ງຢືນ ປະຕິບັດການທົດລອງຍິງລູກສອນໄຟນຳວິຖີໄລຍະກາງລຸ້ນໃໝ່ຢ່າງສຳເລັດ
(VOVWORLD) - ວັນທີ 02 ເມສາ, ການນຳ Kim Jong – un ໄດ້ຊີ້ນຳການຍິງທົດລອງລູກສອນໄຟ Hwasongpho – 16B.
 ສ.ເກົາຫຼີ ໃຫ້ຂ່າວກ່ຽວກັບເຫດການຍິງລູກສອນໄຟຂອງ ສປປ.ເກົາຫຼີ (ພາບ: Yonhap/TTXVN) |
ວັນທີ 03 ເມສາ, ສຳນັກຂ່າວສານສູນກາງ ສປປ.ເກົາຫຼີ (KCNA) ໄດ້ຢັ້ງຢືນວ່າ ປະເທດນີ້ ໄດ້ຍິງທົດລອງສຳເລັດລູກສອນໄຟ Hwasongpho – 16B, ເຊິ່ງເປັນລູກສອນໄຟນຳວິຖີໄລຍະກາງທີ່ນຳໃຊ້ເຊື້ອເພີງແຂງ ແລະ ປະກອບລູກປືນເໜືອສຽງຫາກໍພັດທະນາຫວ່າງມໍ່ໆມານີ້. ວັນທີ 02 ເມສາ, ການນຳ Kim Jong – un ໄດ້ຊີ້ນຳການຍິງທົດລອງລູກສອນໄຟດັ່ງກ່າວ.
ຕາມ KCNA ແລ້ວ, ລູກສອນໄຟດັ່ງກ່າວໄດ້ຍິງຖືກເປົ້າໝາຍຢູ່ເຂດທະເລທາງທິດຕາເວັນອອກຂອງປະເທດນີ້. ພ້ອມທັງຢັ້ງຢືນວ່າ ເຫດຍິງລູກສອນໄຟດັ່ງກ່າວ ບໍ່ສົ່ງຜົນກະທົບຕໍ່ຄວາມໝັ້ນຄົງຂອງບັນດາປະເທດບ້ານໃກ້ເຮືອນຄຽງ.