![ສື່ມວນຊົນສາກົນໃຫ້ຂ່າວກ່ຽວກັບບໍລິສັດFormosaຮັບຜິດຊອບແລະຊົດເຊີຍເຫດກໍ່ມົນລະພິດ - ảnh 1](https://image.vovworld.vn/w730/uploaded/vovworld/bcgmbuiq/2016_07_01/8.jpg)
Reuters ໃຫ້ຂ່າວກ່ຽວກັບເລື່ອງ Formosa ສົ່ງຄຳຂໍໂທດ ຍ້ອນໄດ້ກໍ່ໃຫ້ເກີດເຫດກໍ່ມົນລະພິດຕໍ່ສິ່ງແວດລ້ອມ
|
(vovworld)- ວັນທີ 30/6, ສຳນັກຂ່າວສານ ແລະ ສື່ມວນຊົນສາກົນຫລາຍແຫ່ງໄດ້ໃຫ້ຂ່າວກ່ຽວກັບເລື່ອງ ລັດຖະບານ ຫວຽດນາມ ໄດ້ຈັດການປະຊຸມຂ່າວປະກາດສາຍເຫດເຮັດໃຫ້ປາຕາຍເປັນຈຳນວນຫລວງຫລາຍຢູ່ພາກກາງຫວຽດນາມ ໃນສອງສາມເດືອນຜ່ານມາ. ສຳນັກຂ່າວສານ Reuters ຂອງອັງກິດ ໃຫ້ຮູ້ວ່າ: ໂຮງງານເຫລັກກ້າ Formosa ຮ່າຕິ້ງ ແມ່ນຫນຶ່ງໃນບັນດາໂຄງການລົງທຶນໃຫຍ່ສຸດຢູ່ຫວຽດນາມ ໄດ້ຮັບຜິດຊອບກ່ຽວກັບເລື່ອງປາຕາຍຢູ່ບັນດາແຂວງແຄມທະເລພາກກາງຫວຽດນາມ.
ສຳນັກຂ່າວສານ BBC ຂອງອັງກິດ ໄດ້ໃຫ້ຂ່າວວ່າ: Formosa ໄດ້ອອກສຽງຂໍໂທດລັດຖະບານ, ປະຊາຊົນຫວຽດນາມ ຢ່າງເປີດເຜີຍ ຍ້ອນໄດ້ປະໃຫ້ເກີດເຫດກໍ່ມົນລະພິດຕໍ່ສິ່ງແວດລ້ອມຢ່າງຮ້າຍແຮງ ແລະ ໝັ້ນໝາຍຈະຊົດເຊີຍຄວາມເສຍຫາຍດ້ານເສດຖະກິດໃຫ້ແກ່ປະຊາຊົນ, ຊົດເຊີຍໃນການແກ້ໄຂສິ່ງແວດລ້ອມທະເລ.
ວິທະຍຸ VOA ຂອງອາເມລິກາ, ສຳນັກຂ່າວ AP ຂອງອາເມລິກາ ແລະ Sputnik ຂອງລັດເຊຍ ກໍໄດ້ໃຫ້ຂ່າວກ່ຽວກັບເລື່ອງລັດຖະບານຫວຽດນາມ ໄດ້ຢັ້ງຢືນ Formosa ກໍ່ໃຫ້ເກີດເຫດປາຕາຍເປັນຈຳນວນຫລວງຫລາຍຢູ່ 4 ແຂວງ ພາກກາງ ຫວຽດນາມ ແລະ ໃຫ້ຮູ້ວ່າ ບໍລິສັດ Formosa ຂອງໄຕ້ຫວັນໄດ້ອອກສຽງຮັບຜິດຊອບການກະທຳຂອງຕົນ.