ທ່ານ ຫງວຽນແຫ້ງຟຸກ ກ່າວຄຳເຫັນທີ່ກອງປະຊຸມ
(ພາບຈາກ ອີນເຕີເນັດ)
(vovworld) – ບັນດາຜູ້ແທນເຂົ້າຮ່ວມກອງປະຊຸມສຳມະນາ “ບົດຮຽນການພົວພັນທາງສື່ມວນຊົນໃນການເຄື່ອນໄຫວຂອງສະພາແຫ່ງຊາດ”, ໄດ້ຖືກຈັດຂຶ້ນໃນວັນທີ 17/12, ຢູ່ນະຄອນ ເຫ້ວ, ລ້ວນແຕ່ຍົກສູງບົດບາດຂອງສື່ມວນຊົນໃນການເຄື່ອນໄຫວຂອງສະພາແຫ່ງຊາດ. ຕາມບັນດາຜູ້ແທນແລ້ວ, ບັນດາອົງການສື່ມວນຊົນໄດ້ຊ່ວຍໃຫ້ປະຊາຊົນສ່ອງແສງຄວາມມຸ່ງມາດປາດຖະໜາເຖິງສະພາແຫ່ງຊາດ.
ໃນຊຸມປີຜ່ານມາ, ຍາມໃດຫ້ອງວ່າການສະພາແຫ່ງຊາດກໍ່ສ້າງເງື່ອນໄຂອຳນວຍຄວາມສະດວກເພື່ອໃຫ້ບັນດາອົງການຂ່າວສານ ປະຕິບັດງານ, ໃຫ້ຂ່າວກ່ຽວກັບການເຄື່ອນໄຫວຂອງສະພາແຫ່ງຊາດ, ບັນດາອົງການຂອງສະພາແຫ່ງຊາດຢ່າງທັນການ, ສ້າງຕັ້ງລະບົບໂທລະພາບຖ່າຍທອດສົດຈາກສຳນັກງານສະພາແຫ່ງຊາດ ເຖິງບັນດາ ຄະນະສະມາຊິກສະພາແຫ່ງຊາດ. ທ່ານ ຫງວຽນແຫ້ງຟຸກ, ຫົວໜ້າຫ້ອງວ່າການສະພາແຫ່ງຊາດ, ໃຫ້ຮູ້ວ່າ:
“ສະພາແຫ່ງຊາດ ຫວຽດນາມ ແມ່ນສະພາແຫ່ງຊາດຂອງປະຊາຊົນ, ແມ່ນອົງການຕາງໜ້າໃຫ້ເຈດຈຳນົງ ແລະ ຄວາມມຸ່ງມາດປາດຖະໜາຂອງປະຊາຊົນ, ດັ່ງນັ້ນບັນດາການເຄື່ອນໄຫວຂອງສະພາແຫ່ງຊາດຕ້ອງເປີດເຜີຍ ເພື່ອໃຫ້ປະຊາຊົນໄດ້ຮັບຊາບ. ການເຄື່ອນໄຫວຕ່າງໆຂອງ ສະພາແຫ່ງຊາດຍິ່ງເປີດເຜິຍເທົ່າໃດ ປະຊາຊົນສາມາດຕິດຕາມກວດກາ ແລະ ປະກອບສ່ວນໃຫ້ສະພາແຫ່ງຊາດຂໍ້ລິເລີ່ມ, ວິທີປະຕິບັດທີ່ດີຍິ່ງຫຼາຍເທົ່ານັ້ນ. ນັ້ນແມ່ນແນວທາງໝັ້ນຄົງເພື່ອໃຫ້ສະພາແຫ່ງຊາດ ຫວຽດນາມປະຕິບັດບົດບາດ ແລະ ຄວາມຮັບຜິດຊອບຂອງຕົນຕໍ່ໜ້າປະຊາຊົນ, ຕໍ່ໜ້າພັກ ແລະ ລັດ.”