(ພາບປະກອບ)
(vovworld) – ກອງປະຊຸມຄັ້ງທີ 29 ຂອງຄະນະປະຈຳສະພາແຫ່ງຊາດຫວຽດນາມ ຊຸດທີ 13 ໄດ້ໄຂຂຶ້ນໃນຕອນເຊົ້າວັນທີ 14/7, ຄະນະປະຈຳສະພາແຫ່ງຊາດສະຫງວນເວລາສ່ວນຫຼາຍໃຫ້ແກ່ວຽກງານສ້າງກົດໝາຍ. ລະອຽດຄື: ຄະນະປະຈຳສະພາແຫ່ງຊາດໃຫ້ຄຳເຫັນໃສ່ບາງເນື້ອໃນພື້ນຖານກຳນົດທິດການສ້າງຮ່າງກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ ພ້ອມທັງໃຫ້ຄຳເຫັນກ່ຽວກັບບັນດາບັນຫາໃຫ່ຍທີ່ຍັງມີຄຳເຫັນແຕກຕ່າງກັນຂອງຮ່າງກົດໝາຍວ່າດ້ວຍບັດປະຈຳຕົວພົນລະເມືອງ; ຮ່າງກົດໝາຍວ່າດ້ວຍສຳມະໂນຄົວ; ຮ່າງກົດໝາຍວ່າດ້ວຍການຈັດຕັ້ງສານປະຊາຊົນ (ສະບັບປັບປຸງ); ຮ່າງກົດໝາຍວ່າດ້ວຍການຈັດຕັ້ງອົງການໄອຍະການປະຊາຊົນ (ສະບັບປັບປຸງ)…ທີ່ ກອງປະຊຸມຄັ້ງທີ 29, ຄະນະປະຈຳສະພາແຫ່ງຊາດຫວຽດນາມ ຍັງຈະສະຫງວນເວລາຕີລາຄາໝາກຜົນຂອງກອງປະຊຸມສະໄໝສາມັນເທື່ອທີ 7, ສະພາແຫ່ງຊາດຫວຽດນາມ ຊຸດທີ 13 ແລະ ໃຫ້ຄຳເຫັນເບື້ອງຕົ້ນກ່ຽວກັບການກະກຽມໃຫ້ແກ່ກອງປະຊຸມສະໄໝສາມັນເທື່ອທີ 8, ສະພາແຫ່ງຊາດຫວຽດນາມ ຊຸດທີ 13./.