ສີສັນວັດທະນະທຳໃນວັນວັດທະນະທຳບັນດາເຜົ່າຫວຽດນາມ
ນັກທ່ອງທ່ຽວຊົມການຜະລິດເຄື່ອງດົນຕີພື້ນເມືອງຂອງເຜົ່າ ເອເດ
ພາບ:TTXVN
|
(vovworld)- ເຫດການວັນວັດທະນະທຳບັນດາເຜົ່າຫວຽດນາມ ຖືກໄຂຂຶ້ນໃນຕອນຄ່ຳວັນທີ 19/4 ຢູ່ ໝູ່ບ້ານວັດທະນະທຳ ທ່ອງທ່ຽວ ບັນດາເຜົ່າຫວຽດນາມ ຢູ່ ດົງໂມ, ເຊີນໄຕ, ຮ່າໂນ້ຍ. ກ່າວຄຳເຫັນໄຂພິທີ, ທ່ານ ຫງວຽນງອກທ້ຽນ, ລັດຖະມົນຕີກະຊວງວັດທະນະທຳ ກິລາ ແລະ ທ່ອງທ່ຽວ ຍົກໃຫ້ເຫັນຄວາມໝາຍຂອງການຈັດຕັ້ງບັນດາການເຄື່ອນໄຫວຂ່ຳນັບຮັບຕ້ອນວັນວັດທະນະທຳບັນດາເຜົ່າຫວຽດນາມ ຄືວັນທີ 19/4 ໃນທົ່ວປະເທດ, ເພື່ອແນໃສ່ສຶກສາມູນເຊື້ອຮັກຊາດ, ຄວາມເອກອ້າງທະນົງໃຈ ແລະ ສະຕິຄວາມຮັບຜິດຊອບໃນການຮັກສາ ແລະ ເສີມຂະຫຍາຍສີສັນວັດທະນະທຳ ພ້ອມທັງປະກອບສ່ວນປັບປຸງ, ເພີ່ມທະວີກຳລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ. ທ່ານ ຮີ່ງຫືວທາຍ ມາຈາກແຂວງ ກວ໋າງຫງາຍ ເຂົ້າຮ່ວມວັນວັດທະນະທຳໃຫ້ຮູ້ວ່າ:
“ຫວຽດນາມ ມີຫລາຍຊົນເຜົ່າສ່ວນຫນ້ອຍ ສະນັ້ນ ເລື່ອງຮັກສາ, ເສີມຂະຫຍາຍ ແລະ ຄວາມສະຫນິດຕິດພັນບັນດາເຜົ່ານຳກັນຄວນໄດ້ຮັບການຍູ້ແຮງ. ຂ້າພະເຈົ້າມີຄວາມປິຕິຊົມຊື່ນ ເພາະ ພັກ, ລັດ ໄດ້ຈັດຕັ້ງວັນວັດທະນະທຳບັນດາເຜົ່າ ເພື່ອເຕົ້າໂຮມ, ສ້າງຄວາມສາມັກຄີບັນດາເຜົ່າອ້າຍນ້ອງ, ແນໃສ່ໂຄສະນາພາບພົດບັນດາເຜົ່າຫວຽດນາມ. ຂ້າພະເຈົ້າປາດຖະຫນາວ່າ ບັນດາການເຄື່ອນໄຫວນີ້ສືບຕໍ່ໄດ້ຮັບການຈັດຕັ້ງປະຈຳປີ.”