(vovworld) – ​ເພື່ອ​ມຸ້ງ​ໄປ​ເຖິງ​ການສະ​ເຫຼີ​ມສະ​ຫຼອງ ວັນ​ແມ່ຍິງ​ສາກົນ 8/3, ສະມາຄົມ​ຊາວ ຫວຽດນາມ ອາ​ໄສ​ຢູ່ ສະຫະພັນ ລັດ​ເຊຍ ສົມທົບ​ກັບ​ສະຖານທູດ ຫວຽດນາມ ປະຈຳ ສະຫະພັນ ລັດ​ເຊຍ ​ແລະ ສະໂມ​ສອນ ວັດທະນະທຳ ຫວຽດນາມ ​ໄດ້​ຈັດ​ຕັ້ງ​ລາຍການ​ສິລະ​ປະ​ທີ່​ເປັນ​ເອກະລັກ​ສະ​ເພາະ​ທີ່​ມີ​ຫົວ​ຂໍ້​ວ່າ: “ດອກ​ໄມ້​ລະດູບານ​ໃໝ່​ທີ່​ມອບ​ໃຫ້​ແມ່” ​ໃນ​ວົງ​ຄະນະ​ຍາດ​ຊາວ ຫວຽດນາມ ຢູ່ນະຄອນຫຼວງ ​ມົ​ດສະ​ກູ. ​ໃນ​​ພິທີ, ທ່ານ​ນາງ​ ​ເລ​ແທງ​ລວາ​ນ, ປະທານ​ສະມາຄົມພັນ​ລະ​ຍາ, ສາມີ ສະຖານທູດ ກ່າວຄຳ​ເຫັນ​ກ່ຽວ​ກັບ​ບັນດາ​ຄວາມ​ມານະ​ພະຍາຍາມ​ຂອງ​ແມ່ຍິງ​ໂລກ ​ເວົ້າ​ລວມ, ​ແລະ ​ແມ່ຍິງ ຫວຽດນາມ ​ເວົ້າ​ສະ​ເພາະ ​ໃນ​ການ​ຕໍ່ສູ້ ​ເພື່ອ​ຄວາມ​ສະ​ເໝີ​ພາບ. ຈາກ​ນັ້ນ ​ແມ່ນ​ລາຍການ​ສະ​ແດງ​ສິລະ​ປະ ​ໂດຍ​ພວກ​ນ້ອງເຍົາວະ​ຊົນ ຫວຽດນາມ ສະ​ແດງ.