ສະພາຄວາມໝັ້ນຄົງ ສປຊ ປຶກສາຫາລືກ່ຽວກັບສະພາບການດ້ານມະນຸດສະທຳ ຢູ່ຊີຣີ ແລະ ບັນຫາ ສປປ.ເກົາຫຼີ
(VOVWORLD) -ວັນທີ 27 ສິງຫາ, ສະພາຄວາມໝັ້ນຄົງ ສປຊ ໄດ້ດຳເນີນບັນດາວາລະກອງປະຊຸມທາງອອນລາຍປະຈຳໄລຍະກ່ຽວກັບສະພາບການດ້ານມະນຸດສະທຳ ຢູ່ຊີຣີ ແລະ ຮັບຟັງການລາຍງານກ່ຽວກັບການເຄື່ອນໄຫວຂອງ ຄະນະກຳມະການ 1718 ທີ່ກ່ຽວຂ້ອງເຖິງ ສປປ.ເກົາຫຼີ.
 ກອງປະຊຸມທາງອອນລາຍປະຈຳໄລຍະກ່ຽວກັບສະພາບການດ້ານມະນຸດສະທຳ ຢູ່ຊີຣີ |
ທ່ານ ຟ້າມຫ໋າຍແອັງ ເອກອັກຄະລັດຖະທູດ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ເນັ້ນໜັກເຖິງຄວາມສຳຄັນຂອງເຂົ້າຮັບປະກັນການໄດ້ສຳຜັດກັບມະນຸດສະທຳທີ່ຖືກກັບວັນເວລາ, ປອດໄພ ແລະ ບໍ່ຖືກກີດຂວາງທີ່ເຂົ້າໄປເຖິງທຸກໆຂົງເຂດຢູ່ ຊີຣີ, ທ່ານກໍ່ສະແດງຄວາມຊົມເຊີຍຕໍ່ບົດບາດຂອງ ສປຊ ພ້ອມກັບບັນດາຄູ່ຮ່ວມມືໃນການຮັກສາການໜູນຊ່ວຍມະນຸດສະທຳ ໃຫ້ແກ່ຊາວຊີຣີ.
ເມື່ອຮັບຟັງບົດລາຍງານຂອງ ຄະນະກຳມະການ 1718 ທີ່ກ່ຽວຂ້ອງເຖິງ ສປປ.ເກົາຫຼີ, ທ່ານເອກອັກຄະລັດຖະທູດ ຟ້າມຫ໋າຍແອັງ ໄດ້ຢັ້ງຢືນເຖິງແຜນນະໂຍບາຍຂອງ ຫວຽດນາມແມ່ນ ສະໜັບສະໜູນຕ້ານການແຜ່ຂະຫຍາຍ ແລະ ຫຼຸດຜ່ອນອາວຸດນິວເຄຼຍ, ພ້ອມທັງຢັ້ງຢືນວ່າ ຫວຽດນາມໄດ້ປະຕິບັດບັນດາມະຕິທີ່ກ່ຽວຂ້ອງຂອງ ສປຊຢ່າງເຂັ້ມງວດ, ສະໜັບສະໜູນ ແລະ ພ້ອມແລ້ວທີ່ຈະປະກອບສ່ວນໃຫ້ແກ່ບັນດາຄວາມມານະພະຍາຍາມເພື່ອສັນຕິພາບ ແລະ ສະຖຽນລະພາບໃນພາກພື້ນ.
ຟ້າມຮວນ, ນັກຂ່າວ VOV ປະຈຳ ອາເມລິກາ.