ສະພາບການໂລກລະບາດໂຄວິດ - 19 ຢູ່ ຫວຽດນາມ ແລະ ໃນໂລກ
(VOVWORLD) - ໄລ່ຮອດຕອນເຊົ້າວັນທີ 8 ກໍລະກົດ, ທົ່ວໂລກຢັ້ງຢືນມີຜູ້ຕິດເຊື້ອສະສົມເກືອບ 185,8 ລ້ານຄົນ, ໃນນັ້ນມີຫຼາຍກວ່າ 4 ລ້ານຄົນ ເສຍຊີວິດ.
 (ພາບປະກອບ: VOV) |
ຕາມຂ່າວພາກຄ່ຳວັນທີ 8 ກໍລະກົດ ຂອງກະຊວງສາທາລະນະສຸກ ຫວຽດນາມ ໃຫ້ຮູ້ວ່າ ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 645 ຄົນ,ອັນໄດ້ຍົກຈຳນວນຜູ້ຕິດເຊື້ອພາຍໃນວັນຂຶ້ນເປັນ 1.314 ຄົນ, ໃນນັ້ນ ຈຳນວນຜູ້ຕິດເຊື້ອຫຼາຍທີ່ສຸດແມ່ນຢູ່ ນະຄອນ ໂຮ່ຈີມິນ ດ້ວຍ 915 ຄົນ; ຖັດຈາກນັ້ນແມ່ນ ແຂວງ ບິ່ງເຢືອງ ມີ 135 ຄົນ. ໃນວັນດຽວກັນ, ອະນຸກຳມະການປິ່ນປົວ (ຄະນະຊີ້ນຳແຫ່ງຊາດ ກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ) ໄດ້ແຈ້ງໃຫ້ຊາບວ່າ ມີຜູ້ເສຍຊີວິດຍ້ອນໂລກລະບາດດັ່ງກ່າວຕື່ມອີກ 3 ຄົນ. ບັນດາກໍລະນີເສຍຊີວິດນັ້ນລ້ວນແຕ່ແມ່ນຄົນເຈັບມີອາຍຸສູງ, ມີພະຍາດປະຈຳຕົວ. ເປັນອັນວ່າ, ໄລ່ຮອດ 18 ໂມງ 30 ນາທີ ຂອງວັນທີ 8 ກໍລະກົດ, ຫວຽດນາມ ມີຜູ້ຕິດເຊື້ອສະສົມທັງໝົດ 24.385 ຄົນ, ໃນນັ້ນມີ 8.950 ຄົນ ໄດ້ຮັບການປິ່ນປົວຫາຍດີແລ້ວ ແລະ 105 ຄົນ ເສຍຊີວິດ.
ໄລ່ຮອດຕອນເຊົ້າວັນທີ 8 ກໍລະກົດ, ທົ່ວໂລກຢັ້ງຢືນມີຜູ້ຕິດເຊື້ອສະສົມເກືອບ 185,8 ລ້ານຄົນ, ໃນນັ້ນມີຫຼາຍກວ່າ 4 ລ້ານຄົນ ເສຍຊີວິດ.
ອາຊີ ພວມແມ່ນທະວີບທີ່ມີຈຳນວນຜູ້ຕິດເຊື້ອຫຼາຍທີ່ສຸດໃນໂລກ ດ້ວຍກວ່າ 56,8 ລ້ານຄົນ ແລະ ກວ່າ 800.000 ຄົນເສຍຊີວິດ, ໃນນັ້ນ ສະພາບການໂລກລະບາດສືບຕໍ່ມີການຜັນແປຢ່າງສັບສົນຢູ່ບັນດາປະເທດ ອາຊີຕາເວັນອອກສ່ຽງໃຕ້.