ພາບປະກອບ: TTXVN

ຕາມກະຊວງສາທາລະນະສຸກ ຫວຽດນາມ ແລ້ວ, ນັບແຕ່ເວລາ 18 ໂມງຂອງວັນທີ 9 ເມສາ ຫາ ເວລາ 6 ໂມງຂອງວັນທີ 10 ເມສາ, ຫວຽດນາມບໍ່ພົບຜູ້ຕິດເຊື້ອພະຍາດໂຄວິດ - 19, ປັດຈຸບັນ, ຫວຽດນາມຍັງມີຜູ້ຕິດເຊື້ອພະຍາດໂຄວິດ - 19 2.683 ຄົນ ໃນນັ້ນມີ 2429 ຄົນໄດ້ຮັບການປິ່ນປົວຫາຍດີເປັນປົກກະຕິ ແລະ ມີ 35 ຄົນເສຍຊີວິດ.

        ສ່ວນຢູ່ໃນໂລກ, ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 10 ເມສາ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 135.280.582 ຄົນ, ໃນນັ້ນມີຜູ້ເສຍຊີວິດ 2.927.555 ຄົນ. ຈຳນວນຜູ້ຕິດເຊື້ອໄດ້ຮັບການປິ່ນປົວຫາຍດີເປັນປົກກະຕິແມ່ນ 108.851.958 ຄົນ. ປະເທດທີ່ຖືກຜົນກະທົບຢ່າງໜັກໜ່ວງທີ່ສຸດແມ່ນ ອາເມລິກາດ້ວຍຈຳນວນຜູ້ຕິດເຊື້ອພະຍາດໂຄວິດ - 19 ແມ່ນ 31.802.258 ຄົນ, ໃນນັ້ນມີ ຜູ້ເສຍຊີວິດ 574.823 ຄົນ. ຖັດຈາກນັ້ນແມ່ນ ບຣາຊິນ, ອິນເດຍ, ຝລັ່ງ, ລັດເຊຍ.

        ໃນເຫດການທີ່ກ່ຽວຂ້ອງ, ທ່ານ Tedros Adhanom Ghebreyesus ຜູ້ອຳນວຍການອົງການອະນາໄມໂລກ (WHO) ຖືວ່າ ພວມ ຂາດຄວາມສົມດູນຢ່າງຮ້າຍແຮງ ກ່ຽວກັບການແຈກຢາຍວັກຊິນກັນໂຄວິດ - 19 ໃນທົ່ວໂລກ ແລະ ບັນດາປະເທດສ່ວນຫຼາຍ ບໍ່ມີວັກຊິນຢ່າງຄົບຖ້ວນໃຫ້ແກ່ກຸ່ມຄົນທີ່ມີຄວາມສ່ຽງສູງ.