(VOVWORLD) -ຕອນເຊົ້າວັນທີ 22 ກັນຍາ, (ນັບແຕ່ເວລາ 18 ໂມງຂອງວັນທີ 21 ກັນຍາ ຫາ ເວລາ 6 ໂມງຂອງວັນທີ 22 ກັນຍາ), ຫວຽດນາມບໍ່ກວດພົບຜູ້ຕິດເຊື້ອພະຍາດ Covid – 19 ລາຍໃໝ່.
 ອັງກິດ ເພີ່ມທະວີບັນດາມາດຕະການຮັບມື ກັບໂລກລະບາດ Covid – 19 (ພາບ: hanoimoi.com.vn) |
ນີ້ແມ່ນ ມື້ທີ 20 ຢ່າງລຽນຕິດແລ້ວທີ່ ຫວຽດນາມ ບໍ່ກວດພົບຜູ້ຕິດເຊື້ອພະຍາດ Covid – 19 ໃໝ່ຕື່ມອີກໃນຊຸມຊົນ. ຫວຽດນາມ ຢັ້ງຢືນຍັງຄົງມີຜູ້ຕິດເຊື້ອພະຍາດ Covid - 19 1.068 ຄົນ. ປັດຈຸບັນ, ຫວຽດນາມ ໄດ້ປິ່ນປົວ ໃຫ້ແກ່ ຜູ້ຕິດເຊື້ອຫາຍດີ 947 ຄົນ ແລະ ມີ ຜູ້ເສຍຊີວິດ 35 ຄົນ.
ແລະໃນເຫດການທີ່ກ່ຽວຂ້ອງ, ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງເຊົ້າຂອງວັນທີ 22 ກັນຍາ (ຕາມເວລາ UTC), ໂລກຢັ້ງຢືນມີຜູ້ຕິດເຊື້ອພະຍາດ Covid – 19 ເກືອບ 31,5 ລ້ານຄົນ, ໃນນັ້ນມີຜູ້ເສຍຊີວິດ 968.865 ຄົນ.
ອິນເດຍສືບຕໍ່ຢັ້ງຢືນຈຳນວນຜູ້ຕິດເຊື້ອໃໝ່ຕື່ມອີກສູງທີ່ສຸດໃນໂລກດ້ວຍຜູ້ຕິດເຊື້ອພະຍາດເກືອບ 74.500 ຄົນ, ປັດຈຸບັນ ອາເມລິກາ ຍັງຄົງແມ່ນປະເທດທີ່ຖືກຜົນສະທ້ອນຢ່າງຮ້າຍແຮງທີ່ສຸດຈາກໂລກລະບາດ Covid – 19 ດ້ວຍຈຳນວນຜູ້ຕິດເຊື້ອພະຍາດຫຼາຍກ່ວາ 7 ລ້ານຄົນ ແລະ ຜູ້ເສຍຊີວິດ 204.467 ຄົນ. ຢູ່ອາຊີ, ໂລກລະບາດສືບຕໍ່ແຜ່ລະບາດຢູ່ສະຖານທີ່ຮ້ອນເຮັ່ງ 2 ແຫ່ງນັ້ນແມ່ນ ອິນໂດເນເຊີຍ ແລະ ຟີລິບປິນ. ຢູ່ເອີລົບ, ໂລກລະບາດ Covid – 19 ມີການຜັນແປຢ່າງສັບສົນ, ເຮັດໃຫ້ຫຼາຍປະເທດຕ້ອງເພີ່ມທະວີບັນດາມາດຕະການຮັບມືຄື: ອັງກິດ, ຝລັ່ງ, ແອັດສະປາຍ…