ສະພາບການໂລກລະລາດໂຄວິດ - 19 ຢູ່ ຫວຽດນາມ ແລະ ໃນໂລກ
(VOVWORLD) -ຕາມການລາຍງານຂອງກົມຄຸ້ມຄອງການກວດ, ປິ່ນປົວພະຍາດ, ກະຊວງສາທາລະນະສຸກໃຫ້ຮູ້ວ່າ ມາຮອດປັດຈຸບັນ, ຫວຽດນາມ ມີ ຜູ້ຕິດເຊື້ອພະຍາດໂຄວິດ - 19 ຈຳນວນ 2.475 ຄົນໄດ້ຮັບການປິ່ນປົວຫາຍດີເປັນປົກກະຕິ.
 ພາບປະກອບ: THX/TTXVN |
ຕາມກະຊວງສາທາລະນະສຸກ ຫວຽດນາມ ແລ້ວ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 6 ຄົນ. ດັ່ງນັ້ນ, ປັດຈຸບັນ ຫວຽດນາມ ມີຈຳນວນຜູ້ຕິດເຊື້ອພະຍາດໂຄວິດ - 19 ລວມທັງໝົດແມ່ນ 2.791 ຄົນ.
ຕາມການລາຍງານຂອງກົມຄຸ້ມຄອງການກວດ, ປິ່ນປົວພະຍາດ, ກະຊວງສາທາລະນະສຸກໃຫ້ຮູ້ວ່າ ມາຮອດປັດຈຸບັນ, ຫວຽດນາມ ມີ ຜູ້ຕິດເຊື້ອພະຍາດໂຄວິດ - 19 ຈຳນວນ 2.475 ຄົນໄດ້ຮັບການປິ່ນປົວຫາຍດີເປັນປົກກະຕິ. ກໍ່ຕາມແຫຼ່ງຂ່າວຈາກກະຊວງສາທາລະນະສຸກ ຫວຽດນາມແລ້ວ, ໃນລະຫວ່າງວັນທີ 12 – 18 ເມສາ, ຫວຽດນາມ ມີ ຜູ້ໄດ້ຮັບການສັກວັກຊິນກັນໂຄວິດ - 19 ໃໝ່ຕື່ມອີກ 10.415 ຄົນ ຢູ່ 13 ແຂວງ, ນະຄອນ.
ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 8 ໂມງຂອງວັນທີ 19 ເມສາ (ຕາມເວລາ ຫວຽດນາມ ) ທົ່ວໂລກມີຜູ້ຕິດເຊື້ອພະຍາດໂຄວິດ - 19 ສະສົມທັງໝົດ 141.987.032 ຄົນ, ໃນນັ້ນມີຜູ້ເສຍຊີວິດ 3.032.205 ຄົນ, ອາເມລິກາຍັງແມ່ນປະເທດຖືກຜົນກະທົບຢ່າງຮ້າຍແຮງທີ່ສຸດຈາກໂລກລະບາດໂຄວິດ -19, ຖັດຈາກນັ້ນແມ່ນ ອິນເດຍ.