ສະພາແຫ່ງຊາດປຶກສາຫາລືຮ່າງກົດໝາຍວ່າດ້ວຍ ຊັບພະຍາກອນແຫຼ່ງນ້ຳ ( ສະບັບປັບປຸງ )
ທ່ານນາງຮອງປະທານສະພາແຫ່ງຊາດ Nguyen Thi Kim Ngan ເປັນປະທານ ກອງປະຊຸມ
(vovworld) - ພາຍໃຕ້ການເປັນປະທານຂອງທ່ານນາງຮອງປະທານສະພາແຫ່ງຊາດຫວຽດນາມ Nguyen Thi Kim Ngan, ຕອນບ່າຍວັນທີ 31/5, ບັນດາສະມາຊິກສາພາແຫ່ງຊາດ (ຫຼື ສສຊ) ໄດ້ປຶກສາຫາລືຮ່າງກົດໝາຍວ່າດ້ວຍຊັບພະຍາກອນແຫຼ່ງນ້ຳ (ສະບັບປັບປຸງ). 4 ບັນຫາທີ່ບັນດາ ສສຊ ສຸມໃສ່ປຶກສາຫາລືນັ້ນແມ່ນ: ຂອບເຂດດັດປັບກົດໝາຍ, ວາງແຜນກຳນົດຊັບພະຍາກອນແຫຼ່ງນ້ຳ, ປົກປັກຮັກສາແຫຼ່ງຊັບພະຍາກອນນ້ຳ ແລະ ມອບສິດຂຸດຄົ້ນຊັບພະຍາກອນແຫຼ່ງນ້ຳ. ຄຳຄິດຄຳເຫັນສ່ວນຫຼາຍໄດ້ເຫັນດີເລື່ອງຄວນເພີ່ມທະວີວຽກງານກວດກາ ຊັບພະຍາກອນແຫຼ່ງນ້ຳ ເພື່ອປົກປັກຮັກສາ ແລະ ນຳໃຊ້ແຫຼ່ງນ້ຳຢ່າງເໝາະສົມ ແລະ ມິປະສິດທິຜົນ. ຄະນະກຳມະການປະຊາຊົນຂັ້ນແຂວງ ມີສິດສ້າງຕັ້ງ, ອະນຸມັດຜ່ານກ່ຽວກັບຊັບພະຍາກອນແຫຼ່ງນ້ຳຂອງ ແຂວງ, ນະຄອນ ພາຍຫຼັງທີ່ມີຄຳເຫັນຕົກລົງຂອງກະຊວງຊັບພະຍາກອນ ແລະ ສິ່ງແວດລ້ອມ ແລະ ໄດ້ຮັບການເຫັນດີຈາກສະພາປະຊາຊົນແຂວງຂັ້ນທຽບເທົ່າຮັບຮອງເອົາ. ມີບາງຄຳເຫັນກໍ່ເນັ້ນໜັກວ່າ: ຄວນສົ່ງເສີມໃຫ້ບຸລິມະສິດບັນດາອົງການ, ສ່ວນບຸກຄົນ ຄົ້ນຄ້ວາ ແລະ ນຳໃຊ້ວິທະຍາສາດ, ເຕັກໂນໂລຢີ, ລົງທຶນເຂົ້າໃນກິດຈະກຳຂຸດຄົ້ນ, ນຳໃຊ້ນ້ຳຢ່າງປະຢັດ ແລະ ມີປະສິດທິຜົນ ແລະ ອື່ນໆ
ພາບປະກອບ
ທ່ານ Truong Van Vo, ສສຊ ແຂວງ ດົ່ງນາຍ ມີຄຳເຫັນດັ່ງນີ້:
“ຂ້າພະເຈົ້າເຫັນວ່າ: ຕ້ອງມີການຄຸ້ມຄອງ, ປົກປັກຮັກສາ, ຂຸດຄົ້ນ, ນຳໃຊ້ແຫຼ່ງນ້ຳ ໄປຄຽງຄູ່ກັບການປົກປັກຮັກສາສິ່ງແລດລ້ອມ. ຂ້າພະເຈົ້າສະເໜີໃຫ້ລັດຖະບານ ຈຶ່ງ ສົ່ງເສີມທຸກອົງການ, ສ່ວນບຸກຄົນ ປະຕິບັດນະໂຍບາຍປະຢັດນ້ຳໃນການນຳໃຊ້ນ້ຳເສດເຫຼືອທີ່ບັນລຸມາດຕະຖານຄືນໃໝ່ ເຂົ້າໃນບັນດາຈຸດປະສົງນຳໃຊ້. ກ່ຽວກັບເລື່ອງສຳຫຼວດພື້ນຖານຊັບພະຍາກອນແຫຼ່ງນ້ຳ ນອກຈາກບັນດາເນື້ອໃນຄືກົດໝາຍໄດ້ກຳນົດແລ້ວ, ຄວນເພີ່ມເຕີມເນື້ອໃນສ້າງແຜນທີ່ກຳນົດເຂດ, ກ່າວເຕືອນມົນລະພິດແຫຼ່ງນ້ຳ. ກະຊວງຊັບພະຍາກອນ ແລະ ສິ່ງແວດລ້ອມສະຫຼຸບໝາກຜົນການສືບສວນຊັບພະຍາກອນແຫຼ່ງນ້ຳ ແລະ ປະກາດໃນແຕ່ລະປີ.”