ກ່າວຄຳເຫັນທີ່ພິທີມອບຮັບ, ທ່ານ ຫງວຽນແຫ້ງຝູກຊີ້ແຈ້ງວ່າ: ໃນວິວັດການຮັບມືກັບໂລກລະບາດ Covid -19, ຫວຽດນາມໄດ້ຮັບການຊ່ວຍເຫຼືອ, ໜູນຊ່ວຍອັນລ້ຳຄ່າຈາກຫຼາຍປະເທດເພື່ອນມິດ, ປະຊາຄົມສາກົນ. ດ້ວຍເນື້ອໃນຈິດໃຈຮ່ວມມືສາກົນ, ເພື່ອແນໃສ່ແບ່ງປັນຄວາມຫຍຸ້ງຍາກສ່ວນໃດສ່ວນໜຶ່ງກັບລັດຖະສະພາບັນດາປະເທດອາຟຼິກກາ, ຕາເວັນອອກກາງ ແລະ ປະຊາຊົນຂອງບັນດາປະເທດ ທີ່ຖືກຜົນກະທົບຢ່າງໜັກໜ່ວງຈາກໂລກລະບາດ Covid – 19. ທ່ານ ຫງວຽນແຫ້ງຝູກ ຫວັງວ່າ ຂອງຂວັນນີ້ຂອງ ສະພາແຫ່ງຊາດຫວຽດນາມຈະຊ່ວຍເພີ່ມກຳລັງແຮງດ້ານຈິດໃຈ ແລະ ວັດຖຸສ່ວນໜຶ່ງໃຫ້ແກ່ປະຊາຊົນບັນດາປະເທດ ເພື່ອເອົາຊະນະໂລກລະບາດ Covid – 19 ໃຫ້ໄດ້ໂດຍໄວ.

ໂດຍຕາງໜ້າເອກອັກຄະລັດຖະທູດບັນດາປະເທດຂຶ້ນຮັບວັດຖຸ, ອຸປະກອນການແພດ, ທ່ານ Saadi Salama ເອກອັກຄະລັດຖະທູດ ປາແລັດສະຕິນປະຈຳຫວຽດນາມໄດ້ຕີລາຄາສູງປະສິດທິຜົນຂອງວຽກງານປ້ອງກັນ, ສະກັດກັ້ນໂລກລະບາດ Covid – 19 ຢູ່ຫວຽດນາມໃນໄລຍະທີ່ຜ່ານມາ, ສະແດງຄວາມຂອບໃຈຢ່າງເລິກເຊິ່ງຕໍ່ອາລົມຈິດຄວາມຮັກແພງ, ການຊ່ວຍເຫຼືອອັນລ້ຳຄ່າຂອງສະພາແຫ່ງຊາດ, ປະຊາຊົນຫວຽດນາມທີ່ສະຫງວຽນໃຫ້ແກ່ລັດຖະສະພາ ແລະ ປະຊາຊົນບັນດາປະເທດ.