ຕອນບ່າຍວັນທີ 11 ມິຖຸນາ, ດ້ວຍບັດເຫັນດີເຫັນພ້ອມຢ່າງສູງ, ສະພາແຫ່ງຊາດໄດ້ລົງຄະແນນສຽງຮັບຮອງເອົາມະຕິກ່ຽວກັບການໃຫ້ສັດຕະຍາບັນບົດສະຫຼຸບງົບປະມານແຫ່ງລັດປີ 2017 ແລະ ໂຄງການສ້າງກົດໝາຍ, ລັດຖະບັນຍັດປີ 2020, ປັບປຸງໂຄງການສ້າງກົດໝາຍ, ລັດຖະບັນຍັດປີ 2019. ທ່ານ ຫວຽນດຶກຫາຍ, ຫົວໜ້າກຳມາທິການການເງິນ, ງົບປະມານແຫ່ງລັດ ຂອງສະພາແຫ່ງຊາດ, ໃຫ້ຮູ້ວ່າ.

        “ໂດຍຖອດຖອນບົດຮຽນໃນຊຸມປີກ່ອນ, ລັດຖະບານຫວຽດນາມ ໄດ້ຍືນສະເໜີຕໍ່ສະພາແຫ່ງຊາດຕົກລົງແຜນງົບປະມານແຫ່ງລັດ ປີ 2019 ຢູ່ໃນລະດັບເໝາະສົມກວ່າ, ລາຍຮັບຢູ່ພາຍໃນປະເທດເພີ່ມຂຶ້ນ 6,7% ເມື່ອທຽບໃສ່ປີ 2018, ຮັບປະກັນລັກສະນະຕົວຈິງ, ສ້າງຄວາມເປັນເຈົ້າການໃນການບໍລິຫານງົບປະມານແຫ່ງລັດ. ຄະນະປະຈຳສະພາແຫ່ງຊາດສະເໜີໃຫ້ລັດຖະບານ ສືບຕໍ່ປະຕິບັດບັນດາມາດຕະການແກ້ໄຂ ເພື່ອຍົກສູງຄຸນນະພາບວຽກງານສ້າງ ແລະ ມອບແຜນງົບປະມານ, ຄິດໄລ່, ຮັບປະກັນລັກສະນະເປັນເຈົ້າການໃນການບໍລິຫານການປະຕິບັດລາຍຮັບ, ລາຍຈ່າຍງົບປະມານແຫ່ງລັດ ໃນຊຸມປີຈະມາເຖິງ”.

        ແລະກໍ່ໃນຕອນບ່າຍວັນດຽວກັນ, ສະພາແຫ່ງຊາດໄດ້ປຶກສາຫາລືກ່ຽວກັບຮ່າງກົດໝາຍວ່າດ້ວຍຫໍສະໝຸດ.