(vovworld) - ຕອນຄໍ່າວັນທີ 16 ຕຸລາ (ຕາມເວລາທ້ອງຖິ່ນ), ສະພາແຫ່ງຊາດໄດ້ປ່ອນບັດເຫັນດີຮັບຮອງເອົາແຜນການໃຊ້ຈາຍງົບປະມານທີ່ຖືກລັກສະນະປະນິປະນອມ. ເຊິ່ງຕາມນັ້ນແລ້ວ, ສະພາແຫ່ງຊາດອາເມລິກາ ເຫັນດີສະໜອງງົບປະມານໃຫ້ແກ່ລັດຖະບານເຄື່ອນໄຫວຄືນໃໝ່ຮອດທ້າຍວັນທີ 15 ມັງກອນ 2014 ແລະ ກຳນົດສິດກູ້ຢື່ມເງິນເພື່ອໃຊ້ໜີ້ໃຫ້ກະຊວງການເງິນຮອດທ້າຍວັນທີ 7 ກຸມພາ 2014. ທ່ານປະທານາທິບໍດີອາເມລິກາ Barack Obama ໄດ້ຊົມເຊີຍການຮ່ວມມືທີ່ຫາຍາກນີ້ ລະຫວ່າງພັກປະຊາທິປະໄຕ ແລະ ພັກສາທາລະນະໃນຈຸດເວລາສຸດທ້າຍ.
ແຕ່ຮ່າງກົດໝາຍເຊິ່ງສະພາສູງຫາກໍ່ຮັບຮອງເອົາ ໄດ້ປະກອບສ່ວນແກ້ໄຂສະພາບຄວາມເຄັ່ງຕຶງທາງດ້ານການເມືອງພາຍໃນປະເທດອາເມລິກາ ໃນໄລຍະຜ່ານມາເຊິ່ງເຮັດໃຫ້ສຳນັກງານຈຳນວນໜຶ່ງຂອງລັດຖະບານຕ້ອງອັດປະຕູແຕ່ວັນທີ 01 ຕຸລາ.